Tandahimba yazindua Kampeni ya Usajili na utoaji wa vyeti vya kuzaliwa kwa watoto

Posted on: June 22nd, 2021

Na Kitengo cha Habari na Mawasiliano

Washiriki 63 wa mafunzo ya kampeni ya usajili na utoaji wa vyeti vya kuzaliwa kwa watoto chini ya miaka  mitano wametakiwa kutekeleza kampeni hiyo kwa weledi na uadilifu ili kukamilisha zoezi hilo kwa wakati

Ameyasema hayo Kaimu Mkurugenzi Mtendaji ndg Aloyce Masau wakati akifungua mafunzo ya siku moja kwa wasajili 63 ambao watafanya kampeni hiyo katika maeneo yote ya Wilaya  katika ukumbi wa mikutano wa Halmashauri ya Tandahimba

“Kampeni hii  ni muhimu sana  wajibu wenu ni kufanya kazi hii kwa uadiilifu ili tuweze kufikia lengo  la kuwasajili watoto  ambao hawana vyeti vya kuzaliwa katika maeneo yetu kwa wakati  ambao umepangwa ,”amesema ndg Masau

Aidha amesema kuwa matarajio ya Halmashauri  ya Tandahimba ni kuweza kutatua changamoto zilizojitokeza katika kipindi cha awamu ya kwanza ili kuweza kufikia lengo la asilimia 100 katika awamu hii ya pili ya kampeni

Naye mwezeshaji kutoka wakala wa usajili,ufilisi na udhamini (RITA)makao makuu  Fakihi Msuya amesema zoezi hilo litafanyika kwa njia ya mfumo hivyo washiriki wahakakikishe wanaingiza taaraifa kwa usahihi

Mafunzo hayo ya siku moja yametolewa kwa watendajiwa wa kata na watoa huduma za afya ngazi za kata,  siku nne za zitatumika kuwasajili na kutoa vyeti vya kuzaliwa kwa watoto chini ya miaka mitano  zoezi hilo linatekelezwa na serikali na  UNICEF

 Kampeni ya kuandikisha itaanza tarehe 22-26 June,2021 katika maeneo mbalimbali ya Wilaya,zoezi hili lilifanyika awamu ya kwanza Sept 2017 Halmashauri ya Tandahimba ilipata asilimia 97 kwenye usajili na utoaji w avyeti vya kuzaliwa kwa watoto chini ya miaka mitano