Tandahimba waadhimisha siku ya Wanawake katika kijiji cha Likolombe

Posted on: March 9th, 2022

Na Kitengo cha Habari na Mawasailiano

Mkuu wa Wilaya yaTandahimba Mhe Kanali Patrick  Sawala amesema kuwa hatua kali za kisheria zitachukuliwa kwa mtu atakayemdhalilisha  na kufanya vitendo vya kikatili kwa wanawake

Mkuu wa Wilaya ya Tandahimba Mhe.Kanali Patrick Sawala akisoma hotuba yake kwenye maadhimisho ya siku ya wanawake Kiwilaya 

Ameyasema hayo  kwenye maadhimisho ya siku ya wanawake Kiwilaya ambayo yamefanyika katika kijiji cha Likolombe kata ya Mkwiti ambapo kauli mbiu ya mwaka huu 2022 ni ‘Kizazi cha usawa kwa maendeleo endelevu’

Wanawake wakifurahia siku yao kwa kucheza

 “Tutakuwa wakali na tutachukua hatua kali sanakwa mtu ambaye atabainika amedhalilisha na kumfanyia vitendo vya kikatili mwanamke,lakini mjitokeze kugombea nafasi za uongozi kwa nafasi mbalimbali,hii kaulimbiu isibaki kwenye makaratasi  bali itoe matokeo chanya, zingatieni kutimiza wajibu wenu ili muweze kudai haki ”amesema Dc Sawala 

Aidha  ameeleza kuwa  pamoja na wingi wa wanawake  kwenye jamii isibaki kwenye namba bali iwe chachu ya kuleta maendeleo na kukataa kuishi kinyonge kwenye dimbwi la umaskini kwa kufanya kazi kwa bidii katika shughuli zinazowaongezea kipato 

Dc Sawala akiwa  katika viwanja vya maadhimisho hayo ambapo huduma za uchangiaji damu na utoaji wa elimu na chanjo ya Uviko – 19 ilikuwepo  aliongoza wananchi kuchangia damu na kueleza kuwa  lengo ni kuwasaidia wenye mahitaji hususan mama na mtoto                     

Naye Mkurugenzi Mtendaji wa Halmashauri ya Wilaya ya Tandahimba Ndugu Mussa Gama  amesema kuwa changamoto ambazo wamezibainisha ikiwemo ujenzi wa bweni la wasichana kwa sekondari ya Mkwiti watalifanyia kazi kwa haraka ili wanafunzi wa kike waweze kukaa shuleni

“Changamoto ya bweni nimeichukua na nimeona umbali uliopo tutalifanyia kazi haraka ili wanafunzi wetu wakae bweni  ili wapate  muda wa kujisomea ni matumaini yangu  kuongeza ufaulu  wa  wanafunzi wetu,”amesema Mkurugenzi

Aidha katika maadhimisho hayo asasi  kama vile Shirika la wanawake wenye uthubutu Tandahimba (WAO),Benki ya wananchi wa Tandahimba (TACOBA) Chama kikuu cha Ushirika tawi la Tandahimba(TANECU)Mbunge waJimbo la Tandahimba Mhe.Katani Katani ,Idara ya maendeleo na Shirika la maendeleo ya michezo mashuleni (SDA)   wamechangia taulo za kike kwa wanafunzi ,fedha kwa ajili ya kumsaidia mtoto mlemavu anayehitaji kiti mwendo, bima za afya za ICHF kwa familia zinazoongozwa na akina mama sambamba na kuwafungulia wanafunzi 10 akaunti ya Tacoba