Tandahimba DC yanufaika na mashine za kukusanyia mapato (POS) kutoka Ofisi ya Rais - Tamisemi

Posted on: January 28th, 2020

Pichani: Mkurugenzi Mtendaji (W) Tandahimba akiwa na maboksi ya POS zilizotolewa na Ofisi ya Rais Tamisemi

Na Kitengo cha Habari na Mawasiliano

 Mkurugenzi Mtendaji wa Halmashauri ya Tandahimba Said Msomoka amekabidhi mashine 43 za kukusanyia mapato (Point of Sales) kwa ajili ya kuongeza mapato ndani ya Halmashauri

Mkurugenzi Mtendaji wilaya ya Tandahimba (Kulia) akikabidhi POS kwa Mweka Hazina (Kushoto)

Akikabidhi Mashine hizo   kwa Mweka hazina wa Halmashauri wilaya ya Tandahimba Ally Machela  leo ofisini kwake, alisema mashine hizo zimetolewa na Tamisemi kwa halmashauri kwa ajili ya kukusanyia mapato na zimeunganishwa moja kwa moja na Tamisemi.

“Nakukabidhi mashine hizi ambazo nami nimekabidhiwa na Tamisemi,hivyo naamini zitakwenda kufanya kazi vizuri katika maeneo yetu na mapato yetu yataongezeka kwakuwa zilizopo ukiongeza na hizi zitatusaidia kuongeza  mapato katika Halmashauri yetu na hizi zipo kisasa zaidi endapo hautaweka vifurushi kwa wakati inaweza kukuzuia kuendelea kutoa huduma,”alisema Msomoka

Naye Mweka hazina Machela baada ya makabidhiano hayo alisema anashukuru Tamisemi kwa kuwapatia  vifaa vya kukusanyia mapato hivyo anatarajia mapato hayo yatakwenda kuongezeka kutokana na mashine hizo ambazo hadi sasa zitakuwa zinafikia 96.

“Tunaishukuru Wizara ya Tamisemi kwa mashine hizi nasi tunakwenda kuzifanyia kazi  ili mapato yetu yaongezeke  ndani ya Halmashauri yetu,”alisema Machela

Mweka Hazina wilaya ya Tandahimba akitoa neno la shukrani kwa Tamisemi mbele ya Mkurugenzi wilaya ya Tandahimba

Pichani: Mkurugenzi Mtendaji, Saidi Msomoka akiiangalia kwa makini POS