“SIMAMIENI BAJETI YENU ILI MALENGO MLIOJIWEKEA YATEKELEZEKE”RC AHMED

Posted on: June 23rd, 2023

Na Kitengo cha Mawasiliano

Mkuu wa Mkoa wa Mtwara Mhe.Kanali Ahmed Abbas Ahmed ameisistiza  Halmashauri ya Wilaya ya Tandahimba kusimamia bajeti yake kikamilifu na kuhakikisha malengo yaliyojiwekea ya ukusanyaji yanatimia sambamba na kufanya tathimini ya vyanzo vya mapato vilivyopo

Amesema hayo Juni 23,2023 katika Mkutano maalum wa Baraza la Madiwani wa kupitia taarifa za Mdhibiti na Mkaguzi Mkuu wa Hesabu za Serikali ambapo amesistiza kuwa jukumu la kusimamia miradi ya maendeleo ni la wote lakini wakati wa kusimamia gharama za matumizi yapunguzwe ili mradi ukamilike kwa ubora unaotakiwa

" Halmashauri msimamie bajeti yenu ili miradi ya maendeleo  itekelezeke,lakini pia mfanye tathimini ya vyanzo vyenu vya mapato kama mnaona kuna vyanzo vinahitaji kuboreshwa mfanye hivyo ili miradi inayotakiwa kutekelezwa na fedha za mapato ya ndani itekelezwe,msisubiri hadi mpate fedha yote, inapopatikana mnatekeleza yale ambayo mmepanga kutekeleza mwisho mnafikia malengo," amesema RC Ahmed