SHIRIKA LA SDA LAKABIDHI VIFAA VYA MICHEZO KWA DED TANDAHIMBA.

Posted on: July 9th, 2024

Shirika la Maendeleo na Michezo(SDA) limemkabidhi Mkurugenzi Mtendaji wa Halmashauri  ya Tandahimba DCI. Mariam Mwanzalima vifaa mbalimbali vya Michezo Kwa ajili ya kugawa katika Shule Tano za Sekondari za Wilaya hiyo ikiwa ni sehemu ya kuhamasisha Michezo Shuleni.

 Afisa wa  Shirika la SDA Gladness Shola  amesema lengo la kutoa vifaa hivyo ni Kuhamasisha Michezo Shuleni ambapo kupitia Michezo hiyo kutapunguza changamoto ya Utoro kwa Wanafunzi, kuongeza ukakamavu na kujiamini sambamba na kuibua vipaji vya Wanafunzi .

Pamoja na vifaa hivyo Shirika la SDA linatekeleza mradi wa Uwezeshaji wa watoto wa kike kupaza sauti.

Shirika hilo limekabidhi jumla ya mipira 70, seti za huduma ya  kwanza, Filimbi, Tufe na Koni ambavyo vitagawiwa katika Shule za Sekondari Namikupa, Naputa, Milongodi, Kitama na Tandahimba.

Aidha, Mkurugenzi Mtendaji amelishukuru Shirika la SDA kwa kujali Michezo na kutoa vifaa hivyo  akiwaomba kuendelea kutoa hata katika Shule za Msingi