Serikali yalipa madai ya wakulima wa korosho shilingi Bil 20

Posted on: July 19th, 2020

na Kitengo cha Habari na Mawasiliano

Serikali imetoa kiasi cha shilingi Bilioni 20 kwa ajili ya kulipa madai ya wakulima wa Korosho kati ya shilingi Bilioni 23 ambayo ilikuwa inadaiwa kwa mwaka 2017/2018

Akikabidhi hundi ya shilingi Bilioni 9 Waziri Mkuu Kassim Majaliwa amesema  kuwa kiasi hicho ni deni lote ambalo walikuwa wananadai wakulima wa korosho Wilaya ya Tandahimba

Waziri Mkuu Kassim Majaliwa akiongea na wananchama wa amcoss na wananchi wa Wilaya ya Tandahimba

Ameyasema hayo wakati  akiongea na wanachama wa chama cha msingi Matogoro na wananchi wa Wilaya ya Tandahimba ,amesema makato kwa wakulima yalikuwa mengi  lakini baada ya Rais kupunguza makato sasa mwananchi ananufaika

Wananchi walijitokeza kumsikiliza Waziri Mkuu Kassim Majaliwa katika viwanja vya ghala la Matogoro Amcoss

“Fedha hizi ni malipo ya madai  ya korosho kwa wakulima,lakini  malengo yetu tuwe tunaviwanda vya kutosha ili tubangue wenyewe tuzidi kupata  zaidi kwakuwa gharama ya korosho ikibanguliwa ni kubwa,”amesema Majaliwa

Aidha Waziri Majaliwa ametoa agizo kwa vyama vya msingi kutoa bei dila kwa zao la korosho katika maeneo husika  ili  iwe wastani wa  Taifa

Waziri Mkuu Kassim Majaliwa (kushoto)akiwa na Mkuu wa Mkoa wa Mtwara Gelasius Byakanwa

“Zoezi hili la kufanya mahesabu ya wananchi  wanatumia kiasi gani kuandaa  shamba na wakiuza kiasi gani hawatapata hasara iandikeni kwa maandishi msimu wa mwaka huu tutaanza kuitumia,”amesema Waziri Majaliwa wakati akijibu swali la mwananchi