RUZUKU YA UZALISHAJI YAINUA UCHUMI WA KAYA ZA WALENGWA WA TASAF TANDAHIMBA.

Posted on: December 12th, 2024

Na Kitengo cha Mawasiliano 

Wanufaika wa TASAF wa Ruzuku ya Uzalishaji Halmashauri ya Wilaya ya Tandahimba wameishukuru Serikali kwa  kuwawezesha kuanzisha biashara ambazo zinawasaidia kuimarisha uchumi wa kaya zao .

Khadija  Ibrahimu Nyalaka  mkazi wa Kata ya Mchichira ni  miongoni mwa walengwa wa TASAF walionufaika na ruzuku ya uzalishaji ambapo yeye anaelezea jinsi biashara yake  ya uuzaji wa korosho zilizobanguliwa zinavyomuinua kiuchumi.

Amesema awali ilikuwa ngumu kuanza biashara kutokana na ukosefu wa mtaji lakini baada ya kapata ruzuku ya uzalishaji kutoka TASAF ameweza kuinua uchumi wa kaya yake  kwa kufanya biashara hiyo ambayo inamuongezea kipato.

“Naishukuru sana Serikali  kwa ruzuku ya uzalishaji ambazo wametupa sisi walengwa  zimetuinua sana,jukumu langu ni kuhakikisha naisimamia biashara yangu ili isonge mbele na kukuza mtaji wangu,”amesema Khadija

Lakini pia ruzuku ya uzalishaji imemnufaisha mlengwa Halima Masudi Mageye  mkazi wa Shangani Kata ya Mchichira ambapo ameanzisha biasahara ya kuuza kahawa  inayomwezesha kuinua uchumi wa kaya yake.

Kwa upande wake Afisa Ufuatiliaji wa TASAF  Wilaya ya Tandahimba Rahel Kyomo  amesema kuwa walengwa waliandaa mipango yao ya biashara ambayo wanaitekeleza huku  wakifuatiliwa kwa ukaribu na wataalamu.