Rc Kanali Ahmed asistiza ukusanyaji wa mapato ya Halmashauri

Posted on: October 18th, 2022

Na Kitengo cha Mawasiliano

Mkuu wa Mkoa wa Mtwara Mhe. Kanali Ahmed Abbas Ahmed amesistiza udhibiti Ukusanyaji wa  Mapato kwa vyanzo vilivyopo katika Halmashauri na kuendelea kubuni vyanzo vipya ili kuongeza Mapato ambayo yanasaidia katika Utekelezaji wa shughuli za Maendeleo

Rc baada ya kuwasili Halmashauri ya Tandahimba Oktoba 18,2022 alipokelewa na Uongozi wa Wilaya ukiongozwa na Katibu Tawala Ndugu Juvenile Mwambi kwa niaba ya Mkuu wa Wilaya  ya Tandahimba  ambapo alipokea taarifa ya Wilaya na kuzungumza na Watumishi 

 “Nawapongeza kwa kufanya kazi kwa ushirikiano lakini ,muendelee kusimamia na kudhibiti ukusanyaji wa mapato katika vyanzo vilivyopo lakini pia kubuni vyanzo vipya ili kuongeza mapato , wakusanyaji wa mapato muwatambue kwa  ufanyaji wa kazi hiyo kwa uadilifu kwa kuwapa vyeti vya shukrani sambamba na motisha zingine,”amesema Rc

Aidha amesema kuwa utatuzi wa migogoro ya ardhi ifanyiwe suluhisho kwa wakati ili kuepuka madhara ambayo yanaweza kujitokeza endapo mgogoro hautatolewa ufumbuzi kwa wakati

Akizungumzia suala la mikopo ya asilimia kumi ambayo inatolewa kwa Wanawake,Vijana na Watu wenye ulemavu amesema kuwa makundi yanayopewa mikopo yasijirudie rudie ili kutoa nafasi kwa makundi mengine yenye uhitaji kupata fedha hizo

Katika kikao hicho Rc  amezungumzia  hoja za wakaguzi  ambazo bado hazijajibiwa zijibiwe ili zifungwe ,usimamizi  wa miradi ili kukamilisha kwa wakati na kuangalia fursa za kiuchumi  zilizopo kwa wawezeshaji sambamba na ubunifu ili kuzalisha kwa tija