RC Byakanwa aipongeza Halmashauri ya Tandahimba kupata hati safi ya CAG

Posted on: June 3rd, 2020

Na Kitengo cha Habari na Mawasiliano

Mkuu wa Mkoa wa Mtwara Gelasius Byakanwa ameipongeza Halmashauri ya Tandahimba kwakupata hati  safi ya Mdhibiti na Mkaguzi wa Hesabu za serikali (CAG) kwa mwaka 2018/2019

Ameyasema hayo leo kwenye kikao maalum cha Baraza la  Madiwani la kujadili taarifa ya mdhibiti na mkaguzi kuu wa hesabu za serikali(CAG) ambalo limefanyika katika ukumbi wa Halmashauri ya Tandahimba

RC Gelasius Byakanwa(Kulia) akiwa na Dc Sebastian Waryuba (kushoto) kwenye kikao maalum cha baraza la madiwani

“Naipongeza  Halmashauri ya Tandahimba kwa kupata Hati safi  kwa mara nyingine tena,kiongozi wa Mkoa unapata usingizi ikiwa  Halmashauri zako zinapata hati safi, nazitaka Halmashauri zote kupata hati safi ifike mahali hati chafu abaki naye yeye CAG ili sisi ijulikane kuwa ni waelewa na tunafuata utaratibu,”amesema Byakanwa 

Kamati ya ulinzi na Usalama,Wakuu wa Idara na Vitengo ambao walihudhuria baraza hilo

Aidha amesema   wataalamu wahakikishe wanakusanya mapato  kwakuwa ndiyo uti wa mgongo wa Halmashauri kwa mwaka 2018/2019 ilikadiriwa kukusanywa Bilioni 5 lakini makusanyo yaliyopatikana  ni shilingi Bilioni 1  hivyo jitihada zifanywe ili kuhakikisha mapato yanaongeza

“Hatuwezi kuendelea kuwachekea watu wanaokaa na fedha za mapato mifukoni badala ya kuja kwenye Halmashauri ili fedha hizo zirudi kwenye miradi ya maendeleo kwa wananchi,miradi mikubwa mnayoiona ni usimamizi mzuri wa ukusanyaji wa mapato ,”amesema Byakanwa  

Madiwani wa Halmashauri ya Tandahimba wakiwa kwenye kikao maalum cha kujadili taarifa ya CAG

Naye Mwenyekiti wa Baraza la Madiwani Namkulya Namkulya amesema kuwa ndani ya miaka minne mfululuzo Halmashauri ya Tandahimba imepata hati safi  hiyo ni kudhihirisha taratibu na kanuni za fedha zinafuatwa

Mwenyekiti wa Baraza la Halmashauri  ya Tandahimba Namkulya Namkulya (kulia) akielezea jambo (kushoto) Rc Byakanwa

“Hii ni mara  ya nne kupata hati safi mfululizo kwa Halamsahuri yetu kutoka kwa Mdhibiti na Mkaguzi Mkuu wa Hesabu za Serikali kuanzia tumeingia madarakani sisi madiwani,tunafarijika kwa jambo hili,”amesema Namkulya