RAS afanya ziara ya kukagua miradi ya vyumba vya madarasa Tandahimba

Posted on: November 20th, 2021

Na Kitengo Cha Habari na Mawasiliano

Katibu Tawala Mkoa wa Mtwara ndugu Abdallah Malela amewataka wasimamizi wa miradi ya vyumba vya  madarasa katika Halmashauri ya Wilaya ya Tandahimba kuhakikisha mafundi wanaongeza  kasi katika utekelezaji wa miradi hiyo  ili ikamilike kwa wakati

Ras(aliyevaa kofia)akikagua  ujenzi wa vyumba sita vya madarasa sekondari ya Dinduma

Ameyasema hayo Novemba 19,2021 kwenye ziara ya kukagua miradi ya ujenzi wa vyumba vya madarasa akiwa pamoja na timu ya ufuatiliaji Wilaya  ikiongozwa na Katibu Tawala Wilaya ndugu Juvenile Mwambi

Ras akitoa maelekezo kwa kamati katika shule ya sekondari ya Naputa

“Wasimamizi ambao mpo katika maeneo ya miradi hakikisheni mafundi wanaanza kazi mapema ili miradi hii ikamilike kwa wakati,lakini mkiwaacha mafundi waamue wenyewe watakwamisha kukamilika  kwa wakati,sisi tuna haraka  na miradi hii,”amesema Ras

Naye Katibu Tawala Wilaya ya Tandahimba ndugu Juvenile Mwambi  amesema kuwa timu za ufuatiliaji  ngazi ya Wilaya zinapita katika miradi hiyo kuhakikisha inakwenda kwa kasi ili iweze kukamilika kwa wakati uliopangwa

Aidha nao mafundi viongozi katika miradi ambayo amepita kukagua  Katibu Tawala Mkoa wamemuhakikishia kuwa  wataimaliza miradi hiyo kwa wakati ili malengo ya Serikali yaweze kutimia