Operesheni ya anwani za makazi yashika kasi Tandahimba

Posted on: March 4th, 2022

Na Kitengo cha Habari na Mawasiliano

Operesheni ya anwani ya makazi inaendelea katika Halmashauri ya Wilaya ya Tandahimba ambapo  mitaa mbalimbali imewekwa vibao na tayari nyumba zimewekwa namba

Kibao kikionyesha  mtaa wa Brig.Jen Gaguti uliopo kitongoji cha sokoni kata ya Tandahimba

 Wananchi wa Tandandahimba kwa nyakati tofauti wameipongeza serikali kwa hatua hiyo na kuongeza kuwa itarahisisha huduma nyingi za maendeleo katika mitaa,vitongoji na Wilaya kwa ujumla

Mkuu wa Mkoa wa Mtwara Mhe.Brig.Jen.Marco Gaguti alitembelea  baadhi ya mitaa ukiwemo mtaa wa gaguti  ambapo wakazi wa eneo hilo wamemuenzi  kwa kuupa mtaa huo jina lake kwa kutambua mchango wake katika shughuli za maendeleo

“Nawapongeza mmejitahidi kufanya operesheni hii kwa wakati na mmekamilisha kama mtaa hongereni sana,nashukuru kwa kunipa heshima hii mimi nimekuwa mmoja wa wakazi wa mtaa huu, mnishirikishe katika maendeleo ya mtaa wetu ,nachangia shilingi milioni 2 kwa ajili ya maendeleo ya elimu katika shule yetu iliyopo ndani ya kata yetu ya Tandahimba,”amesema Rc

Aidha naye Mkuu wa Wilaya ya Tandahimba Mhe.Kanali Patrick Sawala ametembelea na kukagua operesheni hiyo katika maeneo mbalimbali na kuridhishwa na utendaji kazi wa viongozi katika kutekeleza jukumu hilo 

Hata hivyo Kamati ya uratibu wa anwani za makazi Wilaya inaendelea kutembelea na kukagua operesheni hiyo katika maeneo mbalimbali ya Wilaya ili kutatua changamoto zinazojitokeza

Mjumbe wa kamati ya uratibu wa anwani za makazi Wilaya ndugu Joseph Mongi akimuelekeza jambo mtendaji wa kijiji cha mkula