OFISI YA DC NA DED TANDAHIMBA ZAKABIDHI MAJIKO YA GESI 100 KWA BABA LISHE NA MAMA LISHE TANDAHIMBA.

Posted on: December 11th, 2024

Na Kitengo cha Mawasiliano 

Ofisi ya Mkuu wa Wilaya ya Tandahimba kwa kushirikiana na Ofisi ya Mkurugenzi Mtendaji Halmashauri ya Wilaya ya Tandahimba zimetoa majiko 100  ya gesi na kukabidhi  kwa baba lishe na mama lishe wa Halmashauri ya Wilaya ya Tandahimba ili kuboresha  na kulinda mazingira kwenye maeneo yao ya kazi.

Majiko hayo yamekabidhiwa  leo  Desemba 10,2024 na Mhe Kanali Michael Mntenjele kwenye  maadhimisho ya kilele cha kampeni ya siku 16 za kupinga ukatili ambayo yameadhimishwa shule ya msingi Dinduma Kata ya Dinduma Halmashauti ya Wilaya ya Tandahimba.

 Wakizungumza kwa nyakati tofauti mara baada ya kukabidhiwa majiko hayo baba lishe na mama lishe hao wameishukuru Serikali kwa majiko hayo ambayo wamesema yatakwenda kuongeza ufanisi wa shughuli zao za kila siku.