NMB Tandahimba yakabidhi mabati 400 kwa Zahanati na Kituo cha Afya

Posted on: October 10th, 2022

Na Kitengo cha Mawasiliano

Mkuu wa Wilaya ya Tandhimba  Mhe Kanali Patrick Sawala  amepokea mabati 400 yenye thamani ya Tsh.17,200,000,000(Shilingi Milioni kumi na saba na laki  mbili) kutoka Benki ya NMB tawi la Tandahimba

Akipokea vifaa hivyo vya uendelezaji wa kituo cha Mnyawa  na Zahanati ya Nachunyu Oktoba 10,2022 Dc Sawala amewapongeza Benki ya NMB kwa jnsi ambavyo inaunga mkono juhudi za Serikali katika shughuli mbalimbali za Maendeleo

‘Tunawapongeza benki ya NMB  kwa kutoa mabati  400 ambayo kila kituo kimepata mabati 200,Nmb wamekuwa wadau  wetu  wa maendeleo katika Wilaya yetu ambapo inatoa vifaa  katika sekta ya Elimu na Afya,tunawashukuru ,”amesema Dc Sawala

Aidha ametoa woito  kuhakikisha mabati ambayo yamekabidhiwa yanafanya kazi iliyokusudiwa na si vinginevyo  ambapo amewasistiza wananchi kuendelea kushiriki katika shughuli za ujenzi ili vituo hivyo  vikamilike na kuanza kutoa huduma

Naye Meneja wa Kanda  ya Kusini  wa Benki ya NMB Bi.Janeth Shango amesema kuwa  ni utaratibu wa benki hiyo kutoa  sehemu ya faida inayopata kurudisha kwa jamii ili kuunga juhudi za Serikali katika kuwaletea wananchi Maendeleo