Mwenyekiti wa Halmashauri ya Tandahimba agawa vifaa kwa wanafunzi wa Darasa la Kwanza

Posted on: January 18th, 2023

Na .Kitengo cha Mawasiliano

Mwenyekiti wa Halmashauri ya Wilaya ya Tandahimba Mhe.Baisa Baisa  amegawa vifaa vya shule vyenye thamani ya shilingi Milioni moja na laki tano (1,500,000) kwa wanafunzi wa darasa la kwanza kwa shule tano za msingi zilizopo Kata ya Kitama

Akikabidhi vifaa hivyo Januari 17,2023 katika shule hizo Mhe.Baisa amesema kuwa vifaa hivyo vitawasaidia  wanafunzi hao wawapo darasani

“Nimefanikiwa kugawa vifaa kwa wanafunzi wa  darasa la kwanza katika shule tano ambazo zipo katika kata ya Kitama  ni imani yangu  vifaahivi vitakuwa msaada  mkubwa kwa wanafunzi wetu kusoma na kuandika wawapo darasani,”amesema Mwenyekiti

Aidha amevitaja vifaa hivyo kuwa ni madaftari,penseli,ufutio na vichongeo ambapo shule ya Mitondi ,Mitondi A,Mwenge,Namunda na Kitama zimepata vifaa hivyo

Nao walimu wa shule hizo kwa nyakati tofauti wamempongeza Mwenyekiti kwa hatua hiyo