MTAKUWWA Tandahimba wapewa mafunzo ya Ulinzi na usalama kwa mtoto

Posted on: June 1st, 2021

Na Kitengo cha Habari na Mawasiliano

Mkurugenzi Mtendaji Halmashauri ya Wlaya ya Tandahimba ndg Said Msomoka amewataka wajumbe wa Kamati ya Mpango wa Taifa wa kutokomeza ukatili dhidi ya wanawake na watoto (MTAKUWWA) Wilaya ya Tandahimba kutekeleza kwa vitendo mpango huo kwenye maeneo yote ndani ya Wilaya

Wajumbe wa kamati ya MTAKUWWA Tandahimba wakipatiwa mafunzo

Ameyasema hayo kwenye mafunzo ya siku tano ya kamati ya MTAKUWWA wilaya ya Tandahimba ambayo yamefanyika katika ukumbi wa mdogo wa mikutano wa Halmashauri ya Tandahimba.

Mkurugenzi Mtendaji wa Halmashauri ya Wilaya yaTandahimba Ndg.Said Msomoka ambaye pia ni mwenyekiti wa kamati hiyo akitoa neno kwa wajumbe

“Kamati hii natumaini mtakwenda kuleta mabadiliko katika jamii kwakuwa wajumbe ni wataalam na wengine mmetoka katika asasi mbalimbali hivyo  mafunzo yatalete mabadiliko  ndani ya jamii zetu,”amesema ndg.Msomoka

Aidha naye mwezeshaji wa Kitaifa wa mafunzo hayo Dereck Rugina amesema kuwa mada mbalimbali ambazo wajumbe wamefundishwa ikiwemo ulinzi na usalama kwa mtoto  zitakwenda kuleta matokeo chanya kwa wajumbe kwa kufikisha elimu hiyo ngazi ya kata,mitaa na vijiji

Mwezeshaji Dereck Rugina akitoa mafunzo kwa wajumbe wa kamati ya MTAKUWWA

 Amesistiza kuwa jukumu la kumlinda mtoto ni la jamii nzima hivyo wananchi wakishirikiana kwa pamoja wataendelea kumlinda mtoto na vitendo vya ukatili ambavyo wanafanyiwa katika maeneo mbalimbali

Mwenyekiti wa mafunzo akitoa neno kwa niaba ya washiriki wote wa mafunzo hayo

Akizungumza kwa niaba ya washiriki wote mwenyekiti  wa mafunzo hayo amesema kuwa mafunzo  yataleta mabadiliko makubwa katika kupinga ukatili dhidi ya watoto kwenye maeneo mbalimbali ya Tandahimba.

Washiriki wakiwa kwenye mafunzo