Mratibu TASAFTandahimba awataka wasimamizi kuzingatia taratibu za fedha kwenye malipo

Posted on: February 15th, 2021

Na Kitengo cha Habari na Mawasiliano

Mratibu wa Mfuko wa Maendeleo ya Jamii (TASAF) Halmashauri ya Tandahimbas Ismaely Mbilinyi amewataka wasimamizi wanaokwenda kusimamia malipo kwa kaya maskini kuzingatia na kufuata taratibu za fedha katika malipo hayo

Wasimamizi  wa kusimamia malipo  kwa kaya maskini wakika katika mafunzo

Ameyasema hayo  leo tarehe 15/2/2021kwenye semina elekezi  wakati akitoa mafunzo kwa wasimamizi hao kwenye ukumbi wa mikutano wa Halmashauri

“Katika malipo ambayo mnakwenda kufanya mnatakiwa kumlipa mlengwa  si mtu mwingine  mlengwa mwnyewe  ndiye muhusika mkuu katika zoezi hili  hii itatusaidia kufuata taratibu za kifedha katika malipo haya,”amesema Mratibu

Mratibu wa TASAF Tandahimba Ismaely Mbilinyi akitoa mafunzo kwa wasimamizi wa  kusimamia malipo kwa kaya maskini

Aidha amesema kuwa zoezi hilo la malipo  litaanza tarehe 16/2/2021 na litamalizika tarehe  19/2/2021 ambapo  awali  shughuli hizo zilikuwa zinafanywa na kamati za jamii lakini  kwa sasa mfumo huo umebadilika na unafanywa na watumishi wa Halmashauri

Wasimamizi wa kusimamia malipo kwa kaya maskini  wakimsikiliza  mwezeshaji wa semina hiyo

Wasimamizi wa malipo hayo kwa nyakati tofauti wamesema kuwa mafunzo hayo yatawasaidia katika maeneo yao na hivyo kutekeleza majukumu  kwa kufuata taratibu na kanuni  zinazohitajika katika zoezi hilo