Mradi wa ufugaji kuku watua Tandahimba

Posted on: January 5th, 2021

Na Kitengo cha Habari na Mawasiliano

Kaya 30 katika Halmashauri ya Wilaya ya Tandahimba  zimepata kuku wa mayai kwa msaada wa mradi wa kupunguza umaskini na kuongeza kipato kupitia ufugaji ambapo kuku 600 wametolewa kwa kaya hizo

Wananchi wakipokea kuku aina ya saso  na kuroila

Akizungumza na wananchi hao  kabla ya kuwakabidhi kuku hao Daktari  mtafiti wa mifugoEmmanuel Mahenga amesema kuwa mradi unawezeshwa na serikali ili jamii iweze kuongeza kipato kupitia ufugaji

Mkazi Nanhyanga akifurahia mradi wa kuku

 “Tunawapa kuku wa aina mbili saso na kuroila muwafuge ili kupunguza umaskini na kuongeza kipato cha familia na zao linalopatikana katika ufugaji  kama vile mayai yatasaidia kupata fedha na kutumika kula ili kuwa na afya njema,”amesema Dk Mahenga

Naye afisa Mifugo Halmashauri ya Wilaya ya Tandahimba Robert Mwanawima amesema kuwa  wataendelea kuwafatilia  kuku hao kwa kuwapa matibabu na ushauri pale ambapo itajitokeza  kuna tatizo lolote ili waweze kuleta tija kwa jamii hiyo

Afisa Mifugo Robert Mwanawima  akipongezwa na mwananchi baada ya kutoa maelekezo ya ufugaji

Mkoa wa Mtwara  mradi huo unatekelezwa kwa  Halmashauri tatu  ikiwemo Tandahimba ambapo vijiji vya Mihule,Nanhyanga A na Nanhyanga C ni  miongoni mwa  vijiji ambavyo vimefikiwa