MNADA WA TATU WA KOROSHO WAFANYIKA TANDAHIMBA.

Posted on: November 3rd, 2023

Na Kitengo cha Mawasiliano 

TANECU imefanya Mnada wa Tatu wa zao la Korosho  kwa Msimu wa kilimo Cha Korosho 2023/2024  katika Ukumbi wa Halmashauri ya Wilaya ya Tandahimba ambapo Korosho imeuzwa kwa Bei ya juu ya Tsh.2150 na Bei ya Chini Tsh.2,050 Kwa kilo moja.

Mwenyekiti wa TANECU Karim Chipola amewapongeza Wakulima kwa  kuziandaa Korosho kwa Ubora kabla ya kuzipeleka ghalani hali iliyopelekea kiwango cha Wanunuzi kuongezeka ikilinganishwa na Minada miwili iliyopita.

"Leo mnaona tumeuza Tani zote 12,879 hii ni kwa sababu ya usimamizi bora wa korosho zenye ubora  kuanzia kwa Mkulima, AMCOS, Viongozi wa Serikali na Viongozi wa Ushirika ...niwaombe tuendelee kushirikiana kutimiza wajibu  kila mtu kwa nafasi yake " Chipola

Jumla ya Tani 12,879  zimekusanywa na kuuzwa katika Ghala la Tandahimba na Newala.