Mkuu wa Mkoa wa Mtwara akabidhi Pikipiki 64 kwa maafisa Ugani Tandahimba

Posted on: March 10th, 2023

Na Kitengo cha Mawasiliano

Mkuu wa Mkoa wa Mtwara Mhe.Kanali Ahmed Abbas Ahmed amewataka maafisa ugani waliokabidhiwa pikipiki kuzitumia kama ilivyokusudiwa ili kutoa elimu na ushauri wa kitaalamu kwa wakulima waweze kuongeza uzalishaji sambamba na  kuzingatia sheria ,taratibu na kanuni za matumizi ya vifaa vya Serikali

Amezungumza  hayo Machi 10,2023 wakati akikabidhi pikpiki 34 kwa maafisa ugani katika kijiji cha Nanhyanga Kata ya Nanhyanga  Halmashauri ya Wilaya ya Tandahimba ambapo Pikipiki hizo zimetolewa na Rais wa Jamhuri ya Muungano wa Tanzania Mhe.Dkt Samia Suluhu Hassan kupitia Wizara ya Kilimo

Mhe.Kanali Ahmed amesema kwamba  pikipiki zinawezesha maafisa ugani  kuwafikia wakulima katika mashamba yao ili kutoa ushauri wa kitaalamu katika kuongeza mnyororo wa thamani na ufanisi wa kilimo kwa wakati ili  kuongeza uzalishaji wa mazao

Aidha Mkuu wa Mkoa akiwa  Halmashauri ya Wilaya ya Tandahimba katika ziara yake ya siku moja ametembelea  mashamba  mawili ya mfano ya zao la Korosho na kuzungumza na wananchi wa Nanhyanga  ambapo amewasistiza kuendelea na operesheni ya “Ondoa mapori ongeza Uzalishaji” kwa kuzingatia matumizi ya mbegu bora na upandaji wa kufuata ushauri wa wataalamu wa kilimo

RC akijibu kero za wananchi ambazo ziliwasilishwa na Mbunge wa Jimbo la Tandahimba Mhe.Katani Katani na Diwani wa Kata hiyo Mhe.Abbas Namaneha  katika kikao hicho amewataka waendesha pikipiki (bodaboda) kuzingatia sheria za barabarani lakini pia Jeshi la Polisi kitengo cha Usalama wa barabarani kusimamia sharia,haki na busara katika kutekeleza majukumu yao