MKUTANO WA BARAZA LA MADIWANI ROBO YA PILI TANDAHIMBA WAFANYIKA.

Posted on: February 1st, 2024

Na Kitengo cha Mawasiliano 

Mwenyekiti wa Halmashauri ya Wilaya ya Tandahimba Mhe.Baisa Baisa  ameongoza Mkutano wa Kwanza wa Baraza la Madiwani Robo ya Pili na kujadili taarifa za Kata ambapo katika Baraza hilo Mhe.Baisa amewasisitiza Madiwani kuendelea kuwaelimisha Wananchi umuhimu wa kuwapeleka watoto Shuleni ili wapate haki yao ya Msingi.

"Niwapongeze  Madiwani kwa ziara ya kuhamasisha Wananchi kuwapeleka watoto Shuleni , tuendelee kushirikiana katika hilo,  hatuna sababu ya kulalamika kuhusu Madawati wala Madarasa , Serikali Awamu ya Sita  imeboresha Miundombinu ya Elimu" Mhe.Baisa

Sambamba na hilo Mhe.Baisa amewaasa  Madiwani wa Halmashauri  hiyo kuwapenda na kuwatunza watumishi wa Umma  ili waweze kukaa kwa muda Mrefu wakiwahudumia Wananchi.

" Mkahamasishe jamii tuwashikilie walimu tulio nao kwa sababu wanatufundishia watoto wetu  na tusiweke mazingira ambayo yatawafanya wafikirie kuhama, walimu wanahitajika maeneo Mengine katika Nchi hii tujitahidi kuwatunza" Mhe.Baisa.