Mkurugenzi Halmashauri ya Tandahimba apokea vifaa vya michezo kwa sekondari

Posted on: May 4th, 2021

Na Kitengo cha Habari na Mawasiliano

Mkurugenzi Mtendaji wa Halmashauri ya Tandahimba Ndugu  Saidi Msomoka amepokea mipira 14 ,pampu na filimbi kwa ajili ya uhamasishaji wa michezo kwa wanafunzi wa  shule za sekondari

Mkurugenzi Mtendaji (kulia)wa Halmashauri ya Wilaya ya Tandahimba ndugu Said Msomoka akipokea mipira kutoka kwa meneja wa mradi bi,Thea Swai

Akipokea mipira hiyo ofisini kwake  kutoka kwa  shirika la Msaada wa Uendelezaji wa Michezo(Sports Development Aid)  na kukabidhi kwa wakuu wa shule za sekondari ya Namikupa,Kitama,Milongodi,Naputa na Tandahimba amesema kuwa walimu wahakikishe wanajenga hamasa kwa wanafunzi kupenda michezo

Mkurugenzi Mtendaji ndg Said Msomoka (kushoto) akimkabidhi mipira miwili mwalimu wa sekondari ya Tandahimba(kati) Afisa Elimu Sekondari Wilaya Sosthenes Luhende akishuhudia tukio hilo

“Nawashukuru kwa vifaa hivi lakini pia walimu  mtumie vizuri nafasi hii kuhamasisha michezo ili  kupunguza mihemko mingine isiyofaa kwa wanafunzi,wakishiriki michezo itawajenga kiakili na kiafya ,nitapita  katika maeneo ambayo mipira hii imetolewa kujiridhisha endapo  michezo inafanyika,”amesema ndugu Msomoka

Picha ya pamoja  Mkurugenzi ndugu Said Msomoka , meneja wa mradi na  walimu wa shule tano ambao wamekabidhiwa mipira na mradi huo

Naye Meneja wa Mradi wa  Empowered Girls Speaker out  ambao upo chini ya shirika hilo Thea Swai  amesema kuwa nia ya mradi huo ni kuhamasisha michezo  nakutoa elimu  ili  kuwaepusha na mimba za utotoni,,utoro na ufaulu mdogo kwa shule za sekondari

Meneja wa Mradi bi Thea Swai akimkabidhi Mkurugenzi Mtendaji mipira

 “Tunaamini michezo inaleta  hamasa kwa wanafunzi hivyo tunatumia  nafasi hiyo kutoa elimu za stadi za kazi, kuwajenga kiafya na kujitambua ili kuepuka mimba za utotoni,utoro na ufaulu mdogo,”amesema bi Swai

Picha ya pamoja Mkurugenzi Mtendaji,Afisa Elimu Sekondari,Meneja wakuu wa shule za sekondari na timu ya mradi huo

Vifaa ambavyo amepokea ni pamoja na mipira ya   netball,football, volleyball,basketball,pampu na filimbi, shule tano kila shule mipira miwili  wa netball na football