Mkurugenzi awataka watendaji kuongeza kasi ya ukusanyaji mapato katika kata zao

Posted on: July 1st, 2022

Na Kitengo cha  Mawasiliano

Mkurugenzi Mtendaji Halamshauri ya Wilaya ya Tandahimba Ndugu Mussa Gama amewataka Watendaji wa Kata kuongeza kasi ya ukusanyaji wa mapato katika kata zao ili kuongeza mapato ya ndani ya Halmashauri

Ameyasema hayo leo Julai Mosi,2022 wakati akifungua kikao kazi cha watendaji wa kata zote 32 katika ukumbi wa mikutano wa Halmashauri ambapo amewasistiza kutekeleza majukumu yao kwa kuzingatia weledi

“Jukumu ambalo mnalo katika kata zenu ni kuhakikisha mnakusanya  mapato ya ndani katika kata zenu ili kuongeza mapato yetu ya ndani sambamba na kuitekeleza na kuisimamia bajeti ya fedha mwaka 2022/2023,”amesema Ndugu Gama

Aidha amesema  kuwa kila mtu anatakiwa kuwajibika na kutekeleza majukumu kwa weledi katika eneo lake la utendaji sambamba na kusimamia miradi ya maendeleo inayotekelezwa katika Kata husika

Watendaji wa kata  kwa nyakati tofauti wamesema kuwa wamepokea na wataendelea kusimamia suala la mapato katika maeneo yao ili kuongeza mapato ya ndani ya Halmashauri