Mkurugenzi Mtendaji akabidhi vifaa kwa shule maalum Mjimpya

Posted on: October 19th, 2020

Na Kitengo cha Habari na Mawasiliano

Mkurugenzi Mtendaji wa Halmashauri ya Wilaya ya Tandahimba Said Msomoka amekabidhi vifaa  vyenye thamani ya zaidi ya shilingi milioni 4 kwa shule ya watoto wenye mahitaji maalum Mjimpya

Miongoni  mwa vifaa ambavyo amekabidhi Mkurugenzi Mtendaji Said Msomoka

Akikabidhi vifaa hivyo  ambavyo ni magodoro ,televisheni mbili  na Redio shuleni hapo amesema kuwa anafahamu mahitaji ni mengi  lakini atajitahidi kupunguza changamoto ambazo zimeainishhwa na Mwalimu Mkuu wa shule hiyo

Mkurugenzi Mtendaji Said Msomka (katikati) akiwa pamoja maafisa Elimu (kushoto) na Mdau wa Elimu (kulia)

“Natamani msome  katika mazingira mazuri zaidi kama mpo ulaya  lakini rasiliamali zetu ni chache hata hivyo tutashughulikia changamoto hizi kwa msimu  huu namuagiza Afisa Mipango ahakikishe tunamaliza changamoto hizi kama mabati kuvuja,ukosefu wa viti ili tuziwahi mvua ,”amesema Msomoka

Wanafunzi wakibeba magodoro hayo baada ya makabidhiano

Naye Kaimu Afisa Elimu  Msingi Martha Sinkamba amesema kuwa wazazi walete watoto wenye ulemavu wa akili katika shule hiyo  waweze kupewa ujuzi na elimu ili waweze kujisaidia wenyewe katika shughuli zao mbali mbali za kila siku

Mwalimu Mkuu(kushoto) akitoa shukrani kwa Kaimu Afisa Elimu Msingi Martha Sinkamba(kulia)

Naye Mdau wa Elimu Dorice Jeremiah ameweza kutoa magodoro 8 kwa ajili ya watoto hao”Mimi pia ni mzazi nimeguswa kuleta magodoro haya baada ya kupata taarifa kuwa wana uhitaji wa magodoro yaliyokuwepo ni chakavu,  natoa wito kwa wananchi na wadau wengine kuwasaidia watoto wetu wenye mahitaji maalum,”amesema Jeremiah

Mdau wa Elimu Dorice Jeremiah akizungumza na wanafunzi wenye mahitaji maalum

Aidha Mwalimu Mkuu wa shule maalum Mjimpya Karim Chipuputa amesema hadi sasa shule ina wanafunzi 80  wavulana 40 na wasichana 40 hivyo ameishukuru serikali kwa vifaa hivyo na mdau ambaye ametoa magodoro 8

Mkurugenzi Mtendaji Said Msomoka(kushoto)akipokea risala kutoka kwa mwalimu mkuu Karim Chipuputa(Kulia)