Mgombea wa CCM Katani Katani aibuka mshindi Ubunge Jimbo la Tandahimba

Posted on: November 2nd, 2020

Na Kitengo cha Habari na Mawasiliano

Msimamizi wa Uchaguzi Jimbo la Tandahimba Said Msomoka  ametangaza matokeo ya Uchaguzi Mkuu kwa nafasi ya Ubunge  ambapo  Katani Ahamad Katani ameibuka kuwa mshindi kwa kupata kura 51051 kati ya kura 85896

Akisoma matokeo hayo  amesema kuwa vyama vilivyogombea ni sita,idadi ya waliopiga kura ni  85896  kura zilizoharibika ni 9803 vyama  hivyo ni CCM Katani Katani amepata kura 51051,ACT Alphonce Hitu  kura 20799,Chadema Nasra Tayari 6827,CUF Makumbuli Uledi  kura 4152,,ADC Hamis Hassan kura 1863,NCCR Mageuzi Mbaraka Tayari 1204

Msimamizi wa Uchaguzi Jimbo la Tandahimba Said Msomoka mara baada ya kumtangaza Mshindi

Aidha amesema kwa upande wa nafasi ya Urais katika Jimbo la Tandahimba CCM imepata kura 51175,CHADEMA kura 28915,ACT kura 2277,NCCR  kura 223,ADC kura 212,CUF kura 1020,AFP kura 65,UMD  kura 43,CHAUMA kura 271,UPDP kura 87,DP kura 90,MAKINI kura 110,SAU kura173,TADEA kura 406 na NRA kura 1087

Naye Mshindi kwa nafasi ya Ubunge Katani Katani amewashukuru wananchi wa Ta ndahimba kwa kumuamini kumpa nafasi hiyo  na kuwaahidi kuwa atayatekeleza yale ambayo amewaahidi kwenye kampeni

Mshindi wa Ubunge Jimbo la Tandahimba Katani Ahmad Katani mara baada ya Kukabidhiwa hati ya kuchaguliwa

“Nawashukuru wana Tandahimba kwa kuniamini wameonyesha imani yao kwangu,nami nawaahidi nitakwenda kutumikia kwa uadilifu mkubwa na nitatekeleza yale ambayo nilikuwa  nayaahidi wakati wa kampeni,”amesema Katani

Mkuu wa Wilaya ya Tandahimba Sebastian Waryuba naye akitekeleza haki yake ya msingi ya kupiga kura

Uchaguzi katika Jimbo la Tandahimba kwa upande wa nafasi ya Udiwani  kwa Kata 32,CCM imeweza kuchukua Kata 30 ,kata moja ya imechukuliwa na ACT na Kata moja ya Miuta uchaguzi unatarajiwa kurudiwa