Mgombea wa CCM ashinda nafasi ya Udiwani Kata ya Mndumbwe

Posted on: December 17th, 2022

Na Kitengo cha Mawasiliano 

Msimamizi Msaidizi wa Uchaguzi Kata ya Mndumbwe Ndg.Christian Mazuge  amemtangaza Ndg.Juma Chibwana Mundedu Mgombea wa Udiwani kupitia Chama cha Mapinduzi (CCM) kuwa mshindi wa nafasi ya Udiwani  kwa kupata  kura 1444 katika Uchaguzi  mdogo wa Udiwani

Uchaguzi mdogo wa Udiwani umefanyika katika  kata ya Mndumbwe Halmashauri ya Wilaya ya Tandahimba  Disemba 17,2022

Amesema kuwa  mgombea wa CCM Ndg.Juma Chibwana Mundedu amewashinda wagombea wenzake wawili waliogombea nafasi hiyo ambao ni Ndg.Said Abdala Bakari wa chama cha ACT-Wazalendo aliyepata kura 588 na Ndg.Ally Abdala Mnalima wa Chama cha ADC aliyepata  kura 180

Aidha Msimamizi Msaidizi wa Uchaguzi Ndg.Mazugeamemkabidhi mshindi wa Chama cha Mapinduzi (CCM) cheti cha pongezi mara baada ya  kumtangaza kuwa Diwani wa Kata ya Mndumbwe ambapo wapiga kura waliojiandikisha  ni 4997 kati ya hao waliopiga kura2277,kura halali ni 2212,kura zilizoharibika ni 65

Naye Mshindi wa nafasi ya Udiwani kata ya Mndumbwe amewashukuru  wapiga  kura waliojitokeza katika zoezi hilo na kumchagua kwa kura nyingi ambazo zimemfanya kuwa mshindi huku akiahidi kushirikiana na wananchi wake katika kutekeleza shughuli za maendeleo katika kata ya Mndumbwe

Uchaguzi mdogo wa Udiwani Kata ya Mndumbwe ulitangazwa na Tume ya Taifa ya Uchaguzi Tanzania kufanyika  Disemba 17,2022 baada ya aliyekuwa Diwani wa Kata hiyo Juma Likapa Nangololo kufariki dunia Mei 12,2022