MAFUNZO YA ELIMU YA URAIA NA UTAWALA BORA YATOLEWA KWA WATAALAMU TANDAHIMBA .

Posted on: May 31st, 2025

Wakuu wa Idara na vitengo pamoja na Watendaji Kata 32 wa Halmashauri ya Wilaya ya Tandahimba wamepatiwa mafunzo ya Elimu ya Uraia na Utawala bora ili kujenga uelewa wa pamoja wa haki na wajibu katika utekelezaji wa majukumu .

Mafunzo hayo yamefanyika leo Januari 31,2025 kwenye ukumbi wa Mikutano wa Mkuu wa Wilaya ambapo  Mwezeshaji Ndg.Nicholous Mhagama akiwasilisha mada kwa washiriki  amesema Elimu hiyo inatolewa ili kuwakumbusha  kuzingatia miongozo ,sheria,taratibu na kanuni sambamba na kufanya mikutano na wananchi ili kuibua miradi ya Maendeleo. 

Naye Mwezeshaji Ndg.Prosper Kisinini amesema  kiongozi anatakiwa kuzingatia Misingi ya Utawala bora kwa kutoa maamuzi sahihi kwa Wakati Uadilifu,Uwazi na utoaji wa huduma kwa usawa,Ushirikishwaji,ufanisi wenye  tija.

Kwa upande wake Mwakilishi wa Mkurugenzi Mtendaji Halmashauri ya Wilaya ya Tandahimba Ndg.Karimu Mputa akifunga mafunzo hayo amewahimiza Watendaji wa Kata kuzingatia miongozo kwenye utekelezaji wa majukumu yao.

Mafunzo hayo yameandaliwa na Wizara ya Sheria na Katiba.

#Tandahimba tumejipanga kazi zi

naendelea