Madiwani wapata mafunzo ya mfumo wa ujifunzaji kielektoniki (MUKI)

Posted on: January 25th, 2022

Na Kitengo cha Habari na Mawasiliao

Mkuu wa Wilaya ya Tandahimba Mhe.Kanali Patrick Sawala amefungua mafunzo ya mfumo wa ujifunzaji Kielektroniki (MUKI) kwa madiwani wa Halmnashauri ya Wilaya ya Tandahimba

Madiwani wakimsikiliza Dc Sawala (hayupo pichani) wakati akifungua mafunzo

Amesema kuwa mafunzo hayo yatawasaidia katika utekelezaji wa majukumu ya kila siku katika maeneo yao ili wananchi waweze kupata maendeleo

Mwenyekiti wa Halmashauri ya Wilaya ya Tandahimba Mhe.Baisa Baisa akifafanua jambo

“Madiwani katika mafunzo  wawezeshaji watatoa mada mbalimbali  ambazo zitawasaidia katika utekelezaji wa majukumu yenu,”amesema Dc Sawala

Aidha amesistiza madiwani kuendelea kusimamia masuala ya elimu,kilimo,ulinzi na usalama na  wananchi kuendelea kushiriki katika shughuli mbalimbali za maendeleo katika maeneo yao

Mkuu wa Wilaya ya Tandahimba Mhe.Patrick Sawala akifungua mafunzo ya madiwani

Naye Mkurugenzi Mtendaji wa Halmashauri ya Wilaya ya Tandahimba akifunga mafunzo amesema anatumaini mafunzo hayo muhimu watayatendea kazi na kuwaahidi kuwanunulia vishikwambi(tablets) ili kuboresha utendaji kazi

Mkurugenzi Mtendaji Halmashauri ya Wilaya Tandahimba ndugu Mussa Gama  akifunga mafunzo hayo

“Wawezeshaji wameeleza  changamoto ya mtandao wakati wakitoa mafunzo ya mfumo lakini naamini kwa muda wa siku mbili mafunzo haya mtayafanyia kazi ili kuboresha utendaji kazi kwa wananchi,”amesema 

Wawezeshaji wakiwasilisha mada kwa madiwani

Katika mafunzo hayo ya siku mbili ambayo yalianza Januari 24,2022 na kufungwa leo Januari 25,2022  wawezeshaji wameweza kuwasilisha mada mbalimbali ikiwemo mfumo wa ujifunzaji kielektroniki