Madiwani Halmashauri ya Malinyi wafanya ziara Tandahimba kujifunza Mfumo wa Stakabadhi Ghalani

Posted on: February 28th, 2023

Na Kitengo cha Mawasiliano

Waheshimiwa Madiwani na baadhi ya wataalamu  wa Halmashauri ya Wilaya ya Malinyi iliyopo Mkoani Morogoro wamefanya ziara ya kujifunza Mfumo wa stakabadhi Ghalani katika Halmashauri ya Wilaya ya Tandahimba

Ziara hiyo ya siku moja imefanyika Februari 28,2023 ambapo walipata taarifa  kutoka kwa wataalamu wa Kilimo na Ushirika wa Halmashauri ya Wilaya ya Tandahimba  jinsi mfumo  huo unavyowanufaisha wakulima na kuongeza mapato ya Halmashauri

Aidha walitembelea katika  Ghala la chama cha msingi  Matogoro , Mitondi B na ghala kuu la Tandahimba na Newala(Tanecu) ambapo walipata taarifa ya jinsi wanavyoweza kutumia mfumo huo 

Akizungumza Makamu Mwenyekiti wa Halmashauri ya Wilaya ya Malinyi Mhe.Lucas Mwamahenga amesema kwamba mafanikio ya utumiaji wa stakabadhi ghalani utawasaidia katika Halmashauri yao ili waweze kuongeza mapato na kumnufaisha mkulima

”Elimu tuliyoipata ya stakabadhi ghalani itakuwa jawabu,mfumo tunaotumia sasa hata Halmashauri inapoteza mapato lakini sasa tunakwenda kuhamasishana ili tuanze kutumia mfumo huu,”amesema Makamu Mwenyekiti

Naye Mwenyekiti wa Halmasahauri ya Wilaya ya Tandahimba Mhe.Baisa Baisa amesema kuwa mfumo huo kwa Halmashauri ya Wilaya ya Tandahimba umeleta manufaa kuliko mfumo wa awali ikiwa pamoja na kuongeza mapato ya Halmasahauri