Maafisa Maendeleo ya jamii ngazi ya kata wajengewa uwezo wa utumiaji wa mfumo wa TPL- MIS

Posted on: June 17th, 2022

Na Kitengo cha Habari na Mawasiliano

Maafisa Maendeleo ngazi ya Kata wamejengewa uwezo wa  jinsi ya kutumia mfumo mpya(TPL MIS) wa utoaji wa mikopo ya asilimia kumi ya  wanawake,vijana na watu wenye ulemavu ambao utarahisisha upatikanaji wa mikopo hiyo

Maafisa Maendeleo ya Jamii wakiwa katika kikao kazi

Akifungua kikao kazi hicho leo Juni 17,2022 Afisa Maendeleo ya Jamii Halmashauri ya Wilaya ya Tandahimba ndugu Aloyce Massau kwa niaba ya Mkurugenzi Mtendaji amesema kuwa mfumo huo utawawezesha wanavikundi kupata huduma katika maeneo yao waliyopo ambao utaanza rasmi Julai Mosi,2022

Ndugu .Aloyce Massau Afisa Maendeleo ya Jamii Halmashauri ya Wilaya ya Tandahimba akifungua kikao kazi

“Tunahama katika usajili kwa kutumia makaratasi na sasa tutatumia mfumo ambao utarahisisha mikopo kwa haraka ,maafisa maendeleo watafanya usajili  katika maeneo yao ya utendaji,”amesema Ndugu Massau

Aidha amesema kuwa lengo la mfumo huu ni kuhakikisha kuwa hakutakuwa tena na vikundi hewa,hakuna mtua ataomba mkopo zaidi ya mara moja,utarahisisha utunzaji wa kumbukumbu hivyo watapata mikopo kwa haraka na watasajili vikundikwa uhakika

Naye Afisa Maendeleo kata ya Namikupa Bi.Kissa Mwakabana ameshukuru kwa kikao kazi na kueleza kuwa Mfumo huo utawawezesha kusajili vikundi katika maeneo yao na utapunguza wana vikundi kuja makao makuu ya Wilaya badala yake watapata huduma hizo katika maeneo husika