Maafisa Elimu Kata na Walimu Wakuu watakiwa kuhakikisha wanafunzi wote wa Drs la Pili wanamudu KKK

Posted on: November 12th, 2022

Na Kitengo cha Mawasiliano

Maafisa Elimu Kata na Walimu Wakuu wa Shule za Msingi Halmashauri ya Wilaya ya Tandahimba wametakiwa kusimamia na kuhakikisha wanafunzi wa darasa la pili wanamudu  Kusoma,Kuandika na Kuhesabu (KKK) sambamba na kusimamia upatikanaji wa lishe katika shule zao

Hayo yamesemwa na Kaimu Mkurugenzi Mtendaji Ndg.Robert Mwanawima wakati akizunguma na Maafisa Elimu Kata 32 na Walimu Wakuu 127 katika kikao  cha Tathimini  ya Ufanyikaji  wa Mitihani ya kumaliza elimu ya Msingi na Upimaji wa Darasa la nne mwaka 2022  kilichofanyika Novemba 12,2022 katika Ukumbi wa Shule ya Sekondari ya Tandahimba

 “Nawapongeza kwa kumaliza  Mitihani salama,mkayasimamie na kuyatekeleza  yale ambayo  tumeazimia katika kikao chetu ili tuendelee kuboresha Elimu katika Halmashauri yetu kikubwa ni kuondoa tatizo la watoto wasiomudu KKK ili waweze na kuendelea darasa linguine,”amesema Ndg.Mwanawima

Aidha amesistiza Walimu Wakuu kuenddelea kutoa Elimu ya Uelewa kwa  wazazi na walezi waweze kuchangia chakula shuleni  ili wanafunzi wote waweze kupata lishe hatua ambayo itasaidia kupunguza utoro mashuleni lakini pia itaongeza kiwango cha ufaulu kwa wanafunzi  kwa kuhudhuria vipindi kwa ufanisi

Nao Maafisa Elimu Kata na Walimu Wakuu wameahidi kuyasimamia na kuyatekeleza maazimio ambayo tumekubaliana  ili kuleta mafanikio katika Elimu ndani ya Wilaya