KU yafanya ziara ya kutembelea miradi ya Maendeleo

Posted on: September 15th, 2022

Na Kitengo cha Mawasiliano     

Mkuu wa Wilaya ya Tandahimba  Mhe.Kanali Patrick Sawala akiwa  pamoja na Kamati ya Usalama (KU) Wilaya wamefanya ziara ya kutembelea na kukagua  miradi ya maji ,Kituo cha Afya Litehu pamoja na ujenzi wa kiwanda cha kubangua Korosho Kitama

Ziara hiyo imefanyika leo Septemba 15,2022 ambapo KU ilianza kwa kutembelea chanzo cha maji cha Mitema  kasha mradi wa maji  Mkwiti ili kuona shughuli zinazoendelea ikiwa pamoja na matanki ya kuhifadhia maji

Wakiwa katika Kituo Cha Afya Litehu walikagua ujenzi wa jengo la kufulia na jengo la upasuaji mama na mtoto ambao unatekelezwa kwa fedha Kutoka Serikali Kuu kiasi cha Shilingi Mil.250 na kuridhishwa na maendeleo ya majengo hayo

Dc Sawala akiwa katika mradi wa maji Mkwiti alisikiliza kero za wananchi wa mangombya  kuhusu kukosa maji kwa muda wa wiki tatu Ambato alitoa ufafanuzi kuwa kuna matengenezo ya mambomba yanaendelea katika chanzo cha  maji Mitema lakini aliagiza wataalam kufungulia maji yaliyopokatika tanki la  Mkwiti ili  wananchi waweze kupata huduma  hiyo huku wakisubiri matengenezo yakamilike

“Poleni kwa kukosa  maji kuna matengenezo katika chanzo cha maji Mitema unaendelea tumefika huko na tumeona kazi inaendelea,kwa sasa wataalamu nimewaagiza wafungue maji yaliyopo katika tanki ili watanzania mpate maji,nawasistiza wataalam  kuwapa taarifa wananchi endapo kuna matengenezo mnafanya kupitia viongozi wao wa vijiji,wao hawawezi kujua kinachoendelea bila kuambiwa,”amesema Dc Sawala

Aidha  wakiwa katika mradi wa ujenzi wa kiwanda cha kubangua korosho Dc amempongeza  mwekezaji  ambaye ni mzawa kwa kuwekeza Tandahimba  ujenzi wa kiwanda hicho  chenye thamani ya shilingi Bil.2.5 ambacho kitatoa fursa kwa wananchi kupata ajira