KIKAO CHA TATHMINI YA AFUA ZA LISHE ROBO YA KWANZA 2023/2024

Posted on: November 11th, 2023

Na Kitengo cha Mawasiliano. 

Kikao cha tathimini ya utekelezaji afua za lishe  kwa kipindi cha robo ya kwanza Julai hadi Septemba  kwa Mwaka wa Fedha 2023/2024 kimefanyika ambapo Wamejadili utekelezaji wa  viashiria vya mkataba wa lishe ngazi ya Kata.

Akisoma taarifa ya robo  ya kwanza ya Mwaka wa Fedha  2023/2024 Novemba 10,2023 Afisa Lishe wa Halmashauri ya Wilaya ya Tandahimba Ndg.Asha Selemani amesema kwa kipindi cha Mwezi Julai hadi Septemba mafanikio  yaliyopatikana ni pamoja na utoaji wa Elimu ya unasihi kwa walengwa,Maadhimisho ya Siku ya  afya na Lishe  ya kjiji kwa Kata zote 32 ambapo shughuli mbalimbali zimefanyika na Upatikanaji wa Chakula kwa Wanafunzi kwa Shule zote za Msingi na Sekondari.

Kwa upande wake  Ndg.Boni Minga akizungumza kwa niaba ya Mkuu wa Wilaya ya Tandahimba amewapongeza Watendaji wa Kata kwa kutekeleza afua za lishe kwenye maeneo yao ambapo amewasistiza kuendelea kutekeleza viashiria vya Mkataba wa Lishe ili Jamii iendelee kuwa na afya bora.