Kiasi cha Tsh.Mil 70 za Mfuko wa Elimu Halmashauri ya Tandahimba zatengeneza madawati 1000

Posted on: November 2nd, 2022

Na Kitengo cha Mawasiliano

Kiasi cha Shilingi Milioni 70 za Mfuko wa Elimu wa Halmashauri ya Wilaya ya Tandahimba zimetumika kutengeneza madawati  1000  ya wanafunzi wa Shule za Msingi

Akikabidhi madawati 300 ya awamu ya kwanza kwa shule kumi za Msingi  Nov 2,2022 Mhe.Mohamed Namgugu Diwani wa Kata ya Mahuta  ambapo amekabidhi kwa niaba ya Mwenyekiti wa Halmashauri amesema kuwa madawati yao ni moja ya faida za uchangiaji wa mfuko wa Elimu wa Halmsahauri

“Mfuko huu wachangiaji wakubwa ni Wakulima wa Tandahimba  kwaiyo leo tunakabidhi madawati haya 300 kwa shule za Msingi ili wanafunzi wetu wakae  huku mengine yakimaliziwa,Mfuko huu unatusaidia wanatandahimba tuendelee kuchanhia mfuko huu ili uzidi kufanya vitu vikubwa katika kuboresha Elimu ndani ya Wil,aya yetu,”amesema Mhe.Namgugu

Naye Mkuu wa Idara ya Elimu Awali  na Msingi  Ndg Samwel Mshana akizungumza kwa niaba ya Mkurugenzi Mtendaji wa Halmasahauri ametoa wito kwa Walimu Wakuu kuyatunza madawati hayo ili yaweze kuwasaidia wanafunzi

Aidha Naye Mwl.Shamsia Mohamed akizungumza kwa niaba ya Walimu Wakuu wengine ambao wamekabidhiwa madawati hayo wameshukuru na kuupongeza hatua hiyo ambapo amebaisha  kuwa madawati hayo yatapunguza changamoto ya madawati katika shule zao

Hata hivyo  Ndg.Dadi Dadi Mkazi wa Mahuta amepongeza hatua hiyo na kutoa rai kwa wakulima na wanachi wa Tandahimba kuendelea kuchangia mfuko wa Elimu ili uweze kuleta maboresho katika Elimu ndani ya Wilaya ya Tandahimba

Shule za Msingi ambazo zimepokea  madawati hayo ni Nanhyanga A,Nanhyanga B,Namkomolela,Mndumbwe,Mahuta Bondeni,Majengo,Mkonjowano,Nachunyu,Malamba na Mkulung’ulu