Kaya 5758 zakidhi vigezo kuendelea na mpango wa malipo ya TASAF Tandahimba

Posted on: September 3rd, 2020

Na Kitengo  cha Habari na Mawasiliano

Mfuko wa Maendeleo ya Jamiii (TASAF) Halmashauri ya Tandahimba umefanikiwa kuhakiki Kaya  maskini 5758 katika zoezi la uhakiki wa kipindi cha pili  awamu ya tatu ambazo zitaendelea na mpango wa malipo kati ya kaya 6873 zilizokuwepo awali

Kaya ambazo zilifika katika zoezi la uhakiki kwenye vituo mbalimbali ni Kaya 6271 na Kaya 604 hazikuweza kufika kwenye uhakiki kutokana na sababu mbalimbali ikiwemo ya kuwa nje ya maeneo yao  kwa shughuli mbalimbali

Walengwa wakisubiri  kuhakikiwa katika zoezi hilo

Mratibu wa TASAF Halmashari ya Tandahimba Ismaely Mbilinyi amesema kuwa kati ya Kaya 6271 ambazo zimehakikiwa kaya 313 zimeondolewa kwenye  mpango  wa malipo baada ya kupoteza sifa za kuendelea

Mratibu wa TASAF Halmashauri ya Tandahimba Ismaely Mbilinyi

“Ambao hawakufanyiwa uhakiki hawataweza kuingizwa kwenye mpango  wa malipo mwezi Julai na Agosti lakini zoezi limeenda vizuri kwa wakati uliopangwa na uhakiki umefanyika kwa kutumia mfumo wa kielektroniki na tumefanikiwa katika hilo,”amesema Mbilinyi

Baadhi ya changamoto ambazo zimejitokeza katika zoezi la uhakiki wa kipindi cha Pili awamu ya tatu ni pamoja na  muda kuwa mdogo hivyo  baadhi ya walengwa kutofanyiwa uhakiki