Katibu CCM Mkoa Mtwara aridhishwa na miradi ya maendeleo Tandahimba

Posted on: December 1st, 2021

Na Kitengo cha Habari na Mawasiliano

Katibu wa Chama cha Mapinduzi (CCM) Mkoa wa Mtwara ndugu  Mgeni Haji ameridhishwa na miradi ya maendeleo inayotekelezwa  na Ilani ya  Serikali ya Chama cha Mapinduzi Wilaya ya Tandahimba

Ameyasema hayo Novemba 30,2021 kwenye ziara yake ya kujitambulisha kwenye Chama  na kutembelea miradi  ya maendeleo inayotekelezwa na Ilani ya CCM  ukiwemo mradi wa ujenzi wa vyumba vya madarasa na vituo vya afya

 “Nimetembelea miradi ya vyumba vya madarasa na kituo cha afya mambamba nimeona mpo hatua nzuri,lakini pia kwenye taarifa ya Mheshimiwa Dc amesema kuwa mnashirikiana vizuri katika kuhakikisha maendeleo yanasonga mbele Tandahimba,nawapongeza sana ushirikiano na umoja mliokuwa nao,”amesema  Katibu

Aidha  ametoa agizo kwa  wasimamizi wa miradi  kuhakikisha wanafanya mkutano na wananchi kuwashirikisha fedha ambayo itabaki baada ya mradi kukamilika ili waweze kupanga matumizi pamoja

Naye Mkuu wa Wilaya ya Tandahimba Mhe.Kanali Patrick Sawala  amesema kuwa miradi hiyo imeweza kufika hatua nzuri kwasababu kila mmoja amewajibika kwa nafasi yake ili miradi ikamilike kwa wakati

 “Katika kusimamia miradi hii kila mmoja anawajibika katika eneo alke  Madiwani,Mkurugenzi Mtendaji Wakuu wa Idara na wasimamizi wa maeneo ya mradi wote wanashiriki kuhakikisha tunamaliza kwa wakati,”amesema  Dc Sawala

Katika majumuisho ya ziara hiyo katibu  amesistiza ushirikianao uendelee kuimarika kati ya Madiwani, wataalam,ofisi ya Mkurugenzi,Ofisi ya Dc na Chama cha Mapinduzi katika kutekeleza miradi ya maendeleo