Kampeni ya ondoa mapori ongeza uzalishaji yashika kasi Tandahimba

Posted on: January 23rd, 2021

Na Kitengo cha Habari na Mawasiliano

Katika kuongeza  uzalishaji wa zao la Korosho  Halmashauri ya Tandahimba na Chama kikuu cha ushirika Tandahimba na Newala (Tanecu)  wamekabidhi misumeno(chain saw)  14 yenye thamani ya zaidi ya shilingi Milioni 25 kwa Mkuu wa Wilaya ya Tandahimba Sebastian Waryuba

Mkuu wa Wilaya ya Tandahimba Sebastian Waryuba (kushoto) akimkabidhi mashine Afisa Tarafa ya Namikupa Boni Minga(Kati)

Akikabidhi misumeno hiyo kwa maafisa Tarafa  Dc Waryuba amesema kuwa misumeno hiyo ikatumiwe kama ilivyokusudiwa ili iweze kuleta mafanikio  katika kampeni ya ondoa mapori ongeza uzalishaji ambayo imeanzishwa na Mkuu wa Mkoa wa Mtwara Gelasius Byakanwa

“Misumeno hii tunaigawa kwa tarafa zote saba ikatumike ilivyokusudiwa tusisikie inafanya kazi tofauti nia yetu tuongeze uzalishaji katika Wilaya yetu,kuna mikorosho ina miaka zaidi ya miaka 70 imepunguza  uzaliashaji,”amesema Dc Waryuba

Dc Waryuba akikabidhi  mashine kwa Afisa Tarafa wa  Mchichira Doto Nyirenda

Naye Mkurugenzi Mtendaji Halmashauri ya Wilaya ya Tandahimba Said Msomoka  amesema Halmashauri imenunua misumeno 7 yenye thamani ya zaidi ya shilingi milioni 12 ili kuongeza uzalishaji ili wakukuza pato la wananchi na kuongeza mapato yatokanayo na zao hili

Mkurugenzi Mtendaji ndg Said Msomoka(kushoto) akimkabidhi mashine7 za chain saw Dc Waryuba(kulia)

“Tumekabidhi mashine hizi ili kuunga mkono kampeni ya Ondoa mapori ongeza uzalishaji   ili wananchi waongeze uzalishaji  waongeze kipato na sisi tupate mapato,”amesema Ndugu Msomoka

Aidha Meneja wa Chama  Kikuu cha Ushirika Tandahimba na Newala (Tanecu)Mohamed Nassoro amesema kuwa wametambua umuhimu wa kampeni hiyo kwa wakulima ili kukuza uzalishaji wa zao la korosho

Mwenyekiti wa Tanecu  akikabidhi mashine 7 kwa Dc Waryuba