KAMATI YA USALAMA WILAYA YA TANDAHIMBA YATEMBELEA MIRADI YA VITUO VYA AFYA

Posted on: May 25th, 2023

Na Kitengo cha  Mawasiliano

Kamati ya Usalama ya Wilaya ya Tandahimba(KU)  ikiongozwa na Mkuu wa Wilaya ya Tandahimba Mhe.Kanali Patrick Sawala  wametembelea na kukagua utekelezaji wa miradi ya ujenzi wa  vituo vya afya vitano vyenye Jumla ya gharama ya shilingi Bil. 2.3

Ziara hiyo imefanyika  Mei 25,2023 ambapo miradi minne ya  vituo vya afya  imetekelezwa kwa kiasi cha shilingi 1,900,000,000  fedha kutoka Serikali Kuu  na kimoja kimetekelezwa kwa kiasi cha shilingi 400,000,000  fedha ya makusanyo ya mapato ya ndani ya Halmashauri  na kufanya Jumla ya miradi ya ujenzi wa vituo vya afya vitano kuwa shilingi 2,300,000,000 (Shilingi Bilioni mbili na Milioni mia tatu)

Miradi ya Ujenzi wa Vituo vya afya vilivyotembelewa ni  kituo cha Afya KitamaTsh. 400,000,000,ujenzi wa kituo cha afya Mambamba Tsh.500,000,000.,ujenzi wa kituo cha afya Mihambwe Tsh.500,000,000,ujenzi wa kituo cha afya Maheha Tsh.400,000,000 na Ujenzi wa kituo cha afya Litehu Tsh.500,000,000

Dc Sawala akiwa katika ziara hiyo kuona hali halisi ya vituo hivyo amesistiza vituo hivyo kuanza kutoa huduma kwa wananchi " Nasistiza vituo hivi vianze kufanya kazi kama Mkurugenzi Mtendaji ulivyoahidi kuwa vitaanza rasmi  mwanzoni mwezi Juni na vingine Julai, 2023 hilo lisimamiwe ili wananchi wapate huduma katika vituo hivi," amesema Dc Sawala