Kamati ya Siasa ya CCM Wilaya ya Tandahimba yatembelea miradi ya Maendeleo

Posted on: December 20th, 2021

Na Kitengo cha Habari na Mawasiliano

Kamati ya Siasa ya Chama cha Mapinduzi (CCM) Wilaya ya Tandahimba imetembelea na kukagua miradi ya maendeleo inayotekelezwa na Ilani ya CCM ndani ya Wilaya

Akizungumza Desemba 17,2021 wakati akikagua miradi hiyo Mwenyekiti wa Chama cha Mapinduzi ndugu Omary Nang’uta ameipongeza Halmashauri kwa kusimamia miradi  hiyo lakini ameagiza kasoro ndogo ndogo ambazo zimebainika kwa baadhi ya miradi zirekebishwe

“Tunashukuru kwa jinsi mnavyoisimamia ilani ya CCM  tumeridhika na miradi hii lakini zipo kasoro ndogo ndogo ambazo tumeziona kwa baadhi ya miradi mziweke sawa,lakini wa ujumla tunaishukuru Serikali kwa miradi ya vyumba vya madarasa,vituo vya afya na barabara  ambayo wananchi wa Tandahimba tutanufaika nayo ,”amesema Mwenyekiti

Mradi wa ujenzi wa vyumba viwili vya madarasa na ofisi moja ya walimu shule shikizi Mpikula ambayo ilitembelewa na kamati ya siasa Wilaya

Aidha kwa upande wa barabara inayoendelea kujengwa ya kilomita 2.15 Kamati ya siasa imeshauri kuweka utaratibu mzuri ilikuweka barabara mbadala na kuzuia maji kutwama  kuepuka adha kwa wananchi hasa katika kipindi cha masika

Naye Mkurugenzi Mtendaji wa Halmashauri ya Wilaya ya Tandahimba ndugu Mussa Gama amesema kuwa kasoro hizo ambazo zimebainika zitafanyiwa kazi ili miradi hiyo iweze kuwa bora zaidi