KAMATI YA SIASA WIILAYA YA TANDAHIMBA YAKAGUA UTEKELEZAJI WA MIRADI YA MAJI

Posted on: November 29th, 2023

Na Kitengo cha Mawasiliano. 

Kamati ya Siasa ya Chama cha Mapinduzi (CCM) Wilaya ya Tandahimba ikiongozwa na Mwenyekiti  wa CCM Wilaya Mhe. Ismaili Mkadimba imefanya ziara ya kukagua utekelezaji wa miradi ya Maji  inayotekelezwa katika Halmashauri ya Wilaya ya Tandahimba.

Ziara hiyo imefanyika leo Novemba 29,2023 ambapo  Kamati imetembelea chanzo cha Maji Mitema na kuona kazi zilizopangwa kufanyika kuongeza uzalishaji  wa maji ili wananchi wa Tandahimba waendelee kunufaika na chanzo hicho,Mradi wa maji Mkwiti unaotekelezwa na RUWASA na Mradi wa Maji wa Miji 28 wenye gharama ya Tsh.Bil 84.7 unaotekelezwa na Makonde.

 Aidha Mwenyekiti wa CCM  Mhe.Mkadimba ameagiza kuongeza kasi na usimamizi katika utekelezaji wa mradi wa Mkwiti uweze kukamilika ili urahisishe upatikanaji wa huduma ya  maji kwa wananchi wa vijiji 17 ambavyo vina jumla ya wakazi 26,164.

Kwa upande wake Meneja wa RUWASA Wilaya ya Tandahimba Injinia  Antidius Muchunguzi akiwasilisha taarifa yake ya mradi wa maji Mkwiti amesema utekelezaji unaendelea  ambapo  kazi zingine zilizopangwa kufanyika zimekamilika.