KAMATI YA SIASA MKOA WA MTWARA YAPONGEZA UJENZI WA KITUO CHA AFYA KITAMA

Posted on: July 3rd, 2023

Na Kitengo cha Mawasiliano

Kamati ya Siasa ya Chama cha Mapinduzi (CCM) Mkoa wa Mtwara ikiongozwa na Mwenyekiti Mhe. Said  Nyengedi imekagua mradi wa ujenzi wa Kituo cha Afya Kitama na kupongeza utekelezaji wa mradi huo ambao umeanza kutoa huduma kwa wananchi

Pongezi hizo zimetolewa leo Julai 3,2023 na Kamati ya Siasa Mkoa ambayo imetembelea mradi wa ujenzi wa Kituo cha Afya Kitama  ambao umetekelezwa  kwa fedha za mapato ya ndani ya Halmashauri

"Nawapongeza kwa utekelezaji wa Ilani ya CCM  lakini kwa Ushirikiano mlionao  ambapo umefanikisha utekelezaji wa mradi huu kukamilika na wananchi wameanza kupata huduma za afya ," amesema Mhe.Nyengedi

Kwa upande wake Mkuu wa Wilaya ya Tandahimba Mhe.Kanali Patrick Sawala ameshukuru juhudi zinazofanywa na Serikali ya awamu ya sita ikiongozwa na Rais wa Jamhuri ya Muungano wa Tanzania Mhe.Dkt.Samia Suluhu Hassan kwa kuendelea kuboresha huduma za afya  katika Wilaya ya Tandahimba

Mradi wa Kituo cha Afya Kitama umetekelezwa kwa gharama ya shilingi Mil.400.6 ikiwa mapato ya ndani ambapo imejenga jengo la wagonjwa wa nje (OPD) nyumba ya mganga,kichomea taka na Jengo la wazazi na Upasuaji