Kamati ya Sensa Wilaya yayafanya tathimini ya zoezi la Sensa linavyoendelea

Posted on: August 24th, 2022

Na Kitengo cha Mawasailiano

Ikiwa ni siku moja tangu kuanza kwa zoezi la Sensa Mkuu wa Wilaya ya Tandahimba  Mhe.Kanali Patrick Sawala  ameongoza kikao cha Kamati ya Sensa Wilaya kufanya tathimini ya Zoezi la Sensa linavyoendelea

Akizungumza katika kikao hicho kilichofanyika  katika ukumbi wa mikutano wa DC Agosti 24,2022  Dc Sawala  amesema kuwa zoezi limeanza vizuri hakuna changamoto kubwa ambazo zimejitokeza kwa siku ya kwanza

Katika kikao hicho ametoa wito kwa wenyeviti wa vitongoji  kutoa taarifa  kwa wananchi wa maeneo yao utaratibu wa karani kupita katika kaya ili wananchi waweze kuendelea na majukumu mengine ya kiuchumi

“Nitoe wito kwa wenyeviti wa vitongoji kuhakikisha wanatoa taarifa kwa wananchi kuwa karani atapita lini katika kaya yake ili aweze kuendelea na majukumu mengine ya kiuchumi kuliko akae kusubiri kuhesabiwa wakati hajui karani atapia lini,njia hii itasaidia wananchi kuendelea na majukumu mengine,”amesema Dc Sawala

 Zoezi la Sensa linaendelea katika Halmsahauri ya Wilaya ya Tandahimba huku wananchi wakiwa na hamasa  ya kuhesabiwa kwa ajili  ya Maendeleo