Kamati ya Sensa Wilaya yafanya ziara kwenye kata kuhamasisha wananchi kushiriki Sensa 2022

Posted on: August 11th, 2022

Mkuu wa Wilaya ya Tandahimba Kanali Patrick Sawala akihamasisha wananchi kushiriki sensa ya watu na makazi Agosti 23,2022

Kitengo cha Mawasiliano

Kamati ya Sensa Wilaya ya Tandahimba ikiongozwa na Mkuu wa Wilaya na Mwenyekiti wa Kamati ya Sensa Mhe.Kanali Patrick Sawala wameanza ziara ya kutembelea kata  zote 32 zilizopo Halmashaiuri ya Wilaya ya Tandahimba kuhamasisha Wananchi kuhesabiwa Agosti 23,2022

Ziara hiyo ya siku tatu imeanza Agosti 11-13 ,2022 ambapo katika kamati hiyo zimegawanyika katika timu tatu ambazo zitatembelea katika kila kata kuhamasisha Sensa

Akizungumza na Wananchi Dc Sawala amewasistiza wananchi kujitokeza kwa wingi  kuhesabiwa ili kupata takwimu sahihi amzazo zitasaidia katika Mipango ya Maendeleo kuanzia ngazi ya Kitongoji hadi Taifa

"Nawasitiza wananchi kushiriki kluhesabiwa Agosti 23,2022,usikubali mtu akupotoshe ili usihesabiwe,lengo la sensa ni njema,na siku hiyo kila mtu atahesabiwa mara moja tu hata kama ana familia tatu au nne,lengo ni kupata taaarifa sahihi,"amesema Dc Sawala

Aidha amehimiza kamati za Sensa kuanzia ngazi ya Vitongoji hadi Kata kuendelea kutoa hamasa katika maeneo yao sambamba na kubainisha maeneo ambayo ufikaji wa makarani ni changamoto ili utaratibu ufanyike mapema  ili kila mwananchi ahesabiwe tarehe hiyo

Katika ziara hiyo ya utoaji wa Elimu na Uhamasishaji wa Sensa ya Watu na Makazi ambayo  Agosti 11,2022 Kata 11 zimefikiwa kwa siku ya kwanza ambazo ni Mihambwe,Mkoreha,Naputa,Namikupa,Mchichira,Mnyawa,Lukokoda,Mkundi,Nambahu,Mkonjowano na Litehu