Kamati ya Maafa Wilaya ya Tandahimba yapewa mafunzo

Posted on: August 16th, 2022

Na Kitengo cha Mawasiliano

Kamati ya Maafa Wilaya ya Tandahimba imetakiwa kuandaa Mpango wa Wilaya wa  dharura ili kukabiliana na Maafa yanapotokea

Hayo yamesemwa na Mwezeshaji Bi.Winfrida Ngowi  kutoka Ofisi ya Waziri Mkuu Kitengo cha Maafa  katika kikao kazi cha siku mbili kilichofanyika katika ukumbi wa mikutano wa Halmashauri Agosti 16-17,2022

Amesema kuwa kikao hicho kina lengo la kutoa elimu kuhusu dhana ya majanga na maafa, kuchanganua hali ya maafa kwa sasa katika Wilaya ya Tandahimba na kujiwekea mpango wa kuweza kukabiliana dhidi ya majanga na maafa  yanapotokea

Akifungua mafunzo  Mkuu wa Wilaya ya Tandahimba Mhe.Kanali Patrick Sawala amesema kuwa mafunzo hayo yatawezesha Kamati ya Wilaya kujiwekea Mpango madhubuti ambao utasaidia kukabiliana na maafa lakini pia kudhibiti majanga

Washiriki wa mafunzo hayo ambao ni Wakuu wa Idara na Vitengo,Kamati ya Ulinzi na Usalama,Taasisi za serikali,viongozi wa dini na watu maarufu wameweza kupata uelewa wa jinsi ya kukabiliana na majanga ambayo yanasababisha  maafa ili kupunguza athari