Kamati ya Fedha yaridhishwa na miradi ya maendeleo Halmashauri ya Tandahimba

Posted on: January 23rd, 2021

Na Kitengo cha Habari na Mawasiliano

Mwenyekiti wa  Halmashauri ya Wilaya ya Tandahimba  Baisa Baisa amewataka  wananchi kushiriki kikamilifu katika ujenzi wa miradi maendeleo inayoendelea katika maeneo mbalimbali ndani ya Halmashauri

Mhandis Hassan Msangawenga akionyesha ujenzi wa mradi wa vyumba viwili vya madarasa Sekondari ya Nandonde

Ameyasema hayo   kwenye ziara ya Kamati ya Fedha ,Utawala na Mipango walipotembelea miradi ya maendelo inayoendelea  na iliyokamilika  katika maeneo mbalimbali ya Halmashauri ya Tandahimba

Kamati ya Fedha  wakiangalia mradi wa vyumba vitatu vya madarasa shule ya msingi Kitama moja

 “Tumetembelea miradi kujionea hali halisi tumeiona  miradi ipo imekamilika vizuri na mingine ina changamoto  lakinipia naiomba  jamii kujitolea kushiriki kwenye  sisi wana Tandahimba miradi ni yetu ,tushiriki kikamilifu serikali  inatoa fedha lakini tusipoongeza nguvu tutakwama”,amesema Mh Baisa

Makamu Mwenyekiti wa Halmashauri  Likapa Nangololo (kushoto)akiangalia mradi wa  kisima cha kuhifadhia maji katika zahanati ya Namikupa

Aidha amesema kuwa kuna baadhi ya miradi inahitilafu ndogo ndogo lakini kwakuwa  Mhandisi wa Wilaya ameiona ataishughulikia ili iwe imara zaidi wananchi waendelee kutumia na kuleta manufaa kwa jamii

Baadhi ya wajumbe wa kamati ya fedha  wakimsikiliza msimamizi wa mradi  wa matundu  vyoo Zahanati ya Namikupa

Naye Mhandisi wa Ujenzi Hassani Msangawenga amesema kuwa miradi ambayo imeonekana na changamoto  zitarekebishwa na itakuwa vizuri “Mapungufu ambayo yameonekana kwa mradi baadhi ya miradi tutasimamia na kurekebisha  kwakuwa uwezekano upo,”amesema Mhandisi

Mhandisi Hassan Msangawenga akitoa maelezo ya mradi kwa kamati ya fedha