KAMATI YA FEDHA TANDAHIMBA YAKAGUA MIRADI YA MAENDELEO .

Posted on: November 10th, 2023

Na Kitengo cha Mawasiliano. 

Kamati ya Fedha Utawala  na Mipango Halmashauri ya Wilaya ya Tandahimba Novemba 9, 2023 imekagua Miradi 10  ya Maendeleo katika Sekta ya Afya, Elimu na Uvuvi yenye Jumla ya Tsh.Bilioni 1.1 inayotekelezwa katika Wilaya hiyo.

Akizungumza wakati wa ukaguzi huo Mwenyekiti wa Halmashauri hiyo Mhe.Baisa Baisa amesema Serikali inatoa Fedha nyingi kwa ajili ya Miradi ya Maendeleo hivyo ni jukumu la Viongozi na watumiaji wa Miradi hiyo kuitunza ili idumu kwa Muda mrefu.

Aidha, Mhe.Baisa amesisitiza Wakandarasi walipwe kulingana na kazi wanazozifanya ili kuongeza Kasi na utendaji wa kazi Kwa makini zaidi ikilinganishwa na wanapopewa Fedha kiasi kabla ya Mradi kukamilika.

Kwa Upande wake Diwani wa Kata ya Mnyawa ambae ni Mjumbe wa Kamati hiyo ya Fedha  Mhe. Rashid Njawala amesisitiza maelekezo ya kuboresha  yanayotolewa na Kamati yafanyiwe kazi ili watakapokagua mara nyingine wakute miradi ikiwa katika Ubora zaidi.

Aidha, Kaimu Mkurugenzi Mtendaji Wilaya Robert  Mwanawima ameahidi kuyafanyia kazi maagizo yote yaliyotolewa na Kamati  yenye lengo la kuboresha miradi hiyo huku akisisitiza kuendelea kufanya ufuatiliaji kupitia Menejimenti ya wataalamu katika kutekeleza Miradi hiyo kwa ufanisi.