"IMARISHENI USHIRIKIANO MUWAHUDUMIE WANANCHI KWA UFANISI"DED ACI.MWANZALIMA.

Posted on: October 24th, 2023

Na Kitengo cha Mawasiliano. 

Mkurugenzi Mtendaji Halmashauri ya Wilaya ya Tandahimba ACI.Mariam Mwanzalima  amewataka Viongozi ngazi ya Kata kuimarisha  ushirikiano  ili kuwahudumia wananchi katika maeneo yao kwa ufanisi.

Ameyasema hayo wakati akizungumza na viongozi wa Kata ya Michenjele na Mihambwe kwa nyakati tofauti Oktoba 23,2023.

"Mkishirikiana nyie viongozi kuanzia ngazi ya Vijiji  hadi Kata mtafika mbali kwakuwa mtaweka mikakati mizuri ya Maendeleo kwenye Kata yenu hususan ya kuongeza ukusanyaji wa mapato ya vijiji na kuwawezesha wananchi  kiuchumi hususan vijana," amesema ACI.Mwanzalima.

Aidha amewasistiza  viongozi kufanya vikao  katika maeneo yao sambamba na kutoa elimu  kwa jamii kwenye Mikutano ili waweze kuunda vikundi vya uzalishaji Mali na kuibua fursa zilizopo katika maeneo yao.

Mkurugenzi  Mtendaji ACI.Mwanzalima Oktoba 23,2023 amefanya ziara ya kutembelea  Kata Michenjele na Mihambwe na kuzungumza na Viongozi wa Kata wakiongozwa na Diwani wa eneo husika na Wenyeviti wa Vijiji ambapo  pia amesikiliza changamoto zinazowabili na kuzitatua.