HATUA ZA KISHERIA ZICHUKULIWE WATAKAOBAINIKA KUHUJUMU PEMBEJEO ZA WAKULIMA

Posted on: August 23rd, 2023

Na Kitengo cha Mawasiliano 

Mwenyekiti wa Halmashauri ya Wilaya ya Tandahimba Mhe.Baisa Baisa amemuagiza Mkurugenzi Mtendaji  Ndg.Mariam Mwanzalima kuwachukulia hatua za kisheria watumishi watakaohusika kuhujumu pembejeo za wakulima

Amesema hayo leo Agosti 23,2023 katika Mkutano wa kawaida wa baraza la madiwani robo ya nne 2022/2023  uliofanyikakwenye ukumbi wa mikutano wa Halmashauri na kuhudhuriwa na madiwani,wataalamu,viongozi wa vyama vya siasa na wananchi

" Wapo baadhi ya wananchi hawajapata pembejeo katika Kata zetu kutokana na baadhi ya watu ambao siyo waadilifu,Mkurugenzi chukua hatua kwa upande wa watumishi ambao watabainika kuhusika katika suala la kuhujumu pembejeo za wakulima," amesema Mhe.Baisa

Aidha  amemsistiza Mkurugenzi kuhakikisha watendaji wanaishi katika maeneo yao ya kazi huku akitoa wito kwa madiwani kushughulikia changamoto zinazojitokeza katika maeneo yao

Naye  Ndg.Mtaalam Mkana akifafanua suala la pembejeo kwa niaba ya Mkuu wa Idara ya Mifugo Kilimo na Uvuvi amesema kuwa  utaratibu umewekwa katika awamu  ya pili ya ugawaji wa pembejeo ili wakulima wapate pembejeo stahiki ambapo amesistiza kila mkulima kuchukua  pembejeo kwenye amcos ya kijiji chake

Kwa upande  wa madiwani wamepongeza taarifa ya Mkurugenzi Mtendaji iliyowasilishwa katika baraza hilo na kumuahidi kumpa ushirikiano ili Tandahimba isonge mbele