Halmashauri yatumia Mil 62 kununua vifaa tiba kwa ajili ya Covid - 19

Posted on: May 7th, 2020

Na Kitengo cha Habari na Mawasiliano

Halmashauri ya Wilaya ya Tandahimba imetumia shilingi Milioni 62 kununua vifaa tiba  mbalimbali kwa ajili ya kujinga na maambukizi ya Covid -19 

Vifaa hivyo vimenunuliwa kwa fedha ambazo zimetokana  na mapato ya ndani ya Halmashauri na vimekabidhiwa kwa Hospital ya Wilaya ya Tandahimba

Dc Waryuba (Kulia) akimkabidhi  Mganga Mkuu wa Hospital ya Wilaya Antpas Swai

Akikabidhi vifaa hivyo Mkuu wa Wilaya ya Tandahimba Sebastian Waryuba amesema kuwa vifaa hivi vitakuwa msaada ndani ya Wilaya lakini pia ni jukumu la wananchi kuendelea kuchukua tahadhari ya kujinga na ugonjwa wa virusi vya korona

Dc Waryuba (Kulia) akielezea  jambo (Kati)Mkurugenzi Mtendaji wa Halmashauri ya Tandahimba Said Msomoka(Kushoto) Mganga Mkuu  wa Hospital ya Wilaya Antpas Swai

“Nakabidhi vifaa hivi ambavyo vimenunuliwa kwa fedha za mapato ya ndani ili kupambana na maambukizi ya korona bado naendelea kuwasistiza wananchi waendelee kujikinga kwa kuepuka mikusanyiko isiyo ya lazima ,kunawa mikono kwa maji tiririka na sabuni pamoja na kufuata maagizo yanayotolewa na  wataalamu wetu wa Wizara ya afya  ,”amesema Waryuba

Naye Mganga Mkuu wa Hospital  ya Wilaya Antpas Swai ameshukuru Halmashauri kwa jitihada ambazo wamezichukua kwa kufanikisha kupatikana kwa vifaa hivyo ambavyo ni msaada  katika mapambano dhidi ya maambukizi ya virusi vya  korona

Mganga Mkuu wa Hospitali Dk Antpas Swai  (kushoto) akitoa shukrani baada ya kupokea vifaa hivyo

“Nachukua nafasi hii kushukuru Halmashauri kwa kutuletea vifaa tiba  hivi kwa ajili ya  mapambano dhidi  ya maambukizi ya virusi vya Korona  ndani ya Wilaya yetu,”amesema Dk. Swai