HALMASHAURI YA WILAYA YA TANDAHIMBA YAZINDUA PROGRAMU JUMUISHI YA MALEZI,MAKUZI NA MAENDELEO YA AWALI YA MTOTO (PJT&MMMAM).

Posted on: March 5th, 2024

Na Kitengo cha Mawasiliano. 

Halmashauri ya Wilaya ya Tandahimba leo Machi 5,2024  imezindua Programu Jumuishi ya Malezi,Makuzi na Maendeleo ya Mtoto ili kuhakikisha mtoto mwenye umri 0 hadi Miaka 8 anafikia ukuaji timilifu.

Akisoma Hotuba ya Uzinduzi wa programu hiyo kwa niaba  ya Mkuu wa Wilaya ya Tandahimba  Ndg .Francis Mkuti amesema kuwa  Maendeleo katika ukuaji wa mtoto ni matokeo  ya afua mbalimbali zinazohusisha wadau wa sekta tofauti .

"Ninyi Washiriki ni wadau muhumu na mkifahamu vizuri hii programu mtawafikishia wazazi na walezi kwenye maeneo yote ya Tandahimba kwa weledi wa hali ya juu," amesema Ndg. Mkuti.

Naye Kaimu Mkurugenzi Mtendaji wa Halmashauri ya Wilaya ya Tandahimba Ndg.Robert Mwanawima amewasistiza washiriki wa kikao kazi hicho  kuzingatia mafunzo hayo  kwa umakini ili yalete matokeo yenye tija kwenye jamii.

Kwa upande wa wawezeshaji  wameelezea sayansi ya Malezi,Makuzi na Maendeleo ya awali ya mtoto,Umuhimu wa utambuzi wa.mapema.na afua stahiki kwa watoto wenye ulemavu na Muundo wa programJumuishi ua Taifa ya malezi PJT,- MMMAM.

Halmashauri ya Wilaya ya Tandahimba  inashughulikia Malezi , Makuzi na Maendeleo ya watoto wadogo kwa kusimamia haki zao zote za msingi ikiwemo afya,ulinzi na usalama wao ambapo  kuna jumla ya vituo  26 vya kulea watoto wadogo  ambavyo vina watoto 1228,wasichana 697 na wavulana 531