HALMASHAURI YA WILAYA YA TANDAHIMBA YAPATA HATI SAFI

Posted on: June 23rd, 2023

Na Kitengo cha Mawasiliano

Halmashauri ya Wilaya ya Tandahimba imepata HATI SAFII katika mwaka wa fedha wa 2021/2022  baada ya ukaguzi uliofanywa na Mdhibiti na Mkaguzi Mkuu wa Hesabu za Serikali (CAG)

Hii ni mara ya saba mfululizo kwa Halmashauri ya Wilaya ya Tandahimba  kupata hati safi ya CAG kuanzia mwaka 2015/2016 hadi mwaka wa fedha 2021/2022

Akisoma taarifa Mwakilishi wa Mdhibiti na Mkaguzi Mkuu wa Hesabu za Serikali Mkoa wa Mtwara Ndg.Mary Wembe ameipongeza Halmashauri ya Wilaya ya Tandahimba kwa kupata hati safi (Unqualified Opinion)

Akizungumza katika Mkutano wa  Baraza la Maalum la hoja lililofanyika katika Ukumbi wa Mikutano wa Halmashauri leo Juni 23,2023 Mkuu wa Mkoa wa Mtwara Mhe.Kanali Ahmed Abbas Ahmed ameipongeza Halmashauri ya Wilaya ya Tandahimba kwa kupata hati safi

Pamoja na pongezi hizo  RC amesistiza hoja zilizosalia ziweze kufungwa  hasa ambazo majibu yake yapo ndani ya uwezo wa Menejimenti ya Halmashauri na kuzuia hoja  mpya

Naye Mkurugenzi Mtendaji Halmashauri ya Wilaya ya Tandahimba Ndg.Mariam Mwanzalima katika taarifa yake  amesema kuwa  hoja zilizobaki Menejimenti inaendelea kufanya jitihada ya kuwasilisha majibu kwa mkaguzi kwa ajili ya uhakiki hatimae ziweze kufungwa